Li Fransayê piştî protestoyên li dijî bihabûna jiyanê bûyerên tundî û talankirinê yên li gelek bajaran rû dan, di şeva duyemîn de jî dewam kirin. Bi dehan kes hatin binçavkirin. Wezîrê Karên Hundir îstifa kir, Macron qebûl nekir.
Li Fransayê bûyerên tundiyê li gelek bajaran dewam dike ku piştî protestoyên li dijî bihabûna jiyanê destpê kirin. Li paytext Partîsê şeva Yekşemê careke din şer qewimî, gelek firoşgeh bûn hedef. Midûriyeta Emniyetê ya Parîsê ragihand ku 117 kes hatin binçavkirin.
Protestoyên roja Şemiyê yên li seranserê welêt, li gelek bajaran bi şer û hilweşînê bi encam bû. Wezîrê Karên Hundir Laurent Nuñez diyar kir ku 550 hezar kes beşdarî xwepêşandanên li welêt bûn, ku 110 hezar ji wan li Parîsê tevlî bûn. Li gorî amadekarên xwepêşandanan ev hejmar gihîşt 800 hezar kesî.
Çavkanî: ANF Kurmancî