Girtiyên Apoyî: Em ferzkirina poşmantiyê û taloqkirina azadiyê qebûl nakin

AMED — Girtiyên Apoyî bi daxuyaniyekê ku bi îmzeya Denîz Kaya hat dayîn, nerazîbûn nîşanî ferzkirinên poşmantiyê û astengkirina tehliyekirina girtiyan dan û azadiya fîzîkî ya Rêber Apo û tehliyeya girtiyên nexweş xwestin.

Pêvajoya Aştî û Civaka Demokratîk û Gavên Şênber

Di daxuyaniyê de hate destnîşankirin ku Pêvajoya Aştî û Civaka Demokratîk deriyê qonaxeke nû vekiriye ku hêviya jiyaneke azad, wekhev û demokratîk a gelên me mezin kiriye. Ji bo pêşketina vê pêvajoyê, bidawîbûna şer û çareseriya siyasî ya demokratîk Rêber Apo gav avêtin û îrade raber kir. Meseleyên bingehîn ên çareseriya demokratîk di nav sînorên polîtîkayên ewlekariyê de girtin, taloqkirina sererastkirinên qanûnî û derengxistina pêvajoyê, îradeya çareseriyê teng dike. Ev ziman pêşiya çareseriyê venake û xeteriya kûrkirina tengasiyê hildigire. Eşkere ye ku aştî tenê bi gotinan na, bi gavên şênber, berpirsyariya beramber û nêzîkatiyeke li ser esasê veguherîna demokratîk dikare ava bibe. Eger dema nû bi rastî jî bibe destpêka veguherîneke demokratîk, pîvana vê ne jinûve nasandina polîtîkayên ewlekariyê ye. Dewlet divê îradeya xweguhertinê ya di aliyê demokratîkbûnê de, bi gava pratîk a şênber nîşan bide.

Binpêkirinên Mafan û Ferzkirina Poşmantiyê li Zindanan

Îro dewlet û desthilatdarî pêvajoyê ji demê re dihêle û gavên şênber bi hincetên cur be cur taloq dike, ev nêzîkatî ne li gorî Pêvajoya Aştî û Civaka Demokratîk e. Bi taybetî binpêkirinên mafan ên li zindanan, bê navber taloqkirina tehliyeyan, rewşa girtiyên siyasî bêçareserî hiştin û bi biryarên Desteya Îdare û Çavdêriyê poşmantî li girtiyan ferzkirin, yek ji mînakên herî şênber a vê nêzîkatiyê ye. Tevî ku dema înfaza qanûnî tejî kirine jî tehliyeya hevalên me t…

Pêşeroja Bûyeran

Girtiyên Apoyî di dawiya daxuyaniya xwe de careke din teqez kirin ku ew ferzkirina poşmantiyê û taloqkirina azadiyê qebûl nakin û daxwaza azadiya fîzîkî ya Rêber Apo û tehliyeya girtiyên nexweş dubare kirin.

Çavkanî: ANF Kurmancî