LONDON — Nivîskara îrlandî Sally Rooney piştgirî dabû ‘Palestine Action’ a ku li Îngilistanê hatiye qedexekirin, li ser vê yekê firotina pirtûkên Sally li Brîtanyayê hatin rawestandin û 153 nivîskarên ku tê de xelatgirên Nobel, Pulitzer û Booker jî hene daxuyanî belav kirin û gotin ‘Sally Rooney ne terorîst e.’
- Brîtanyayê di tîrmeha 2025’an de ‘Palestine Action’ wekî rêxistina terorîst bi nav kir û qedexe kir.
- Sally Rooney ragihandibû ku wê dahatên mafên telîfê yên ji BBC’yê bişîne ji bo Palestine Actionê.
- 153 nivîskarên navdar nameyek ji bo hikumeta Brîtanyayê şandin û piştgirî dan Rooney.
Ji serî de mesele: Çi qewimî bû?
Komek bi navê ‘Palestine Action’ (Çalakî bo Filistînê) heye ku di sala 2020’î de li Îngilistanê hatiye avakirin û dijî Îsraîlê ye. Brîtanya ev koma ‘Palastine Action’ di tîrmeha 2025’an de di çarçoveya têkoşîna dijî terorê de wekî ‘rêxistina terorîst’ bi nav kiriye û qedexe kir. BBC ji du romanên Sally Rooney berhem çêkiribûn û weşandibûn. Nivîskar Sally Rooney di gelawêja 2025’an de di rojnameya The Irish Timesê de gotarek nivîsand û tê de got ku dahatên mafên telîfê yên ji adaptasyonên du romanên xwe yên li BBC’yê wê ji bo Palestine Actionê bişîne.
‘Bila WH Smith û BBC jî bên kontrolkirin’
Nivîskar li ser helwesta xwe ya siyasî jî gotibû: “Eger dewleta Brîtanyayê vê wekî terorîzmê dibîne, belkî divê saziyên wekî WH Smith û BBC’yê ku çalakiyên min fînanse dikin jî kontrol bike.” Ji ber qedexeya li ser vê rêxistinê, nivîskar Rooney ji tirsa girtinê, nekarî biçe Brîtanyayê da ku xelata xwe bistîne.
153 nivîskarî daxuyanî dan
Li ser vê yekê 153 nivîskarên navdar nameyek ji bo hikumeta Brîtanyayê şandin û piştgirî dan Rooney. Di nav kesên ku name îmze kirine de xelatgirên Xelata Nobelê ya Wêjeyê John Maxwell Coetzee û Annie Ernaux, xelatgirên Xelata Booker Arundhati Roy û George Saunders jî hene. Li gel van navan, nivîskarên îngilîz ên wekî Zadie Smith, Bernardine Evaristo, Julian Barnes, Marian Keyes û Irvine Welsh; her wiha futbolîstê berê Gary Lineker, lîstikvanên xwediyê Oscarê Tilda Swinton, derhênerê xwediyê…
Pêşeroja Bûyeran
Li dijî astengî û rawestandina firotina pirtûkên Sally Rooney ya li Brîtanyayê, helwest û bertekên cîhana wêjeyî û hunerî mezin dibin, û 153 navên navdar bi daxuyaniyekî xurt li kêleka nivîskar sekinîn.
Çavkanî: Diyarname