Kenan Altûn ê ku piştî 30 salan ji girtîgehê hate berdan, bal kişand ser kiryarên li girtîgehan û destnîşan kir ku divê desthilatdarî dawî li polîtîkaya xwe ya mijûlkirinê bîne û gavên bi lez biavêje.
- Kenan Altûn piştî 30 salan ji Girtîgeha bi Tîpa L a bi Hejmara 1’ê ya Maltepeyê hate berdan.
- Altûn diyar kir ku kiryarên li girtîgehan û girtina girtiyên nexweş ên weke Alî Riza Yûrtdaş ê 84 salî fikarên li ser pêvajoyê zêde dikin.
- Altûn xwest ku dawî li polîtîkaya mijûlkirinê bê anîn û gavên bi lez û cihê baweriyê bêne avêtin.
Girtiyên ku 30 salan man tên berdan
Kenan Altûn ku 30 salan li girtîgehê hate ragirtin, çend roj berê ji Girtîgeha bi Tîpa L a bi Hejmara 1’ê ya Maltepeyê hate berdan. Altûn ji ANF’ê re axivî û anî ziman ku Pêvajoya Aştî û Civaka Demokratîk coşeke mezin da gel û girtî bi xurtî xwedî li pêvajoyê derdikevin. Altûn ragihand ku hin nêzîkatiyên desthilatdariyê dibe sedema fikaran û ji aliyê pêşveçûna pêvajoyê ve işaret bi girîngiya rewşa li girtîgehan kir.
KIRYARÊN LI GIRTÎGEHAN TÊKILDARÎ PÊVAJOYÊ DIBIN SEDEMA FIKARAN
Altûn bal kişand ser kiryarên li girtîgehan û got, “Bi rastî jî fêhmkirin û vegotina vê yekê ji gel re ne hêsan e. Hevalên ku salên dûr û dirêj li girtîgehê dimînin, hevalên me yên extiyar gelekî zehmetiyê dikişînin. Mînak, li girtîgeha ez jê hatim Alî Riza Yûrtdaş mînakek e. 84 salî ye. Di vê pêvajoyê de li gel ku gelek caran çû Tîpa Edlî, li gel ku raporên xwe hene bi rengekî kêfî rapora ‘dikare li girtîgehê bimîne’ jê re hate dayin. Gelek mînakên bi vî rengî hene. Ji bilî hevalên nexweş, hevalên me hene ku çi pênc salan, çi deh salan, herî dawî jî di ser sê salan girtî hene. Bêyî ti sedemê, ti mantiqê, ti hincetê bi rengekî kêfî ji biryara îdare û desteyan re hatine hiştin. Yanî çawa ku îro ‘pêvajoya aştiyê’ çawa ku ji mekanîzmayeke biryarê ya weke ‘Desteya Ewlekariya Mîllî’ re hatiye hiştin, çarenûsa bi hezaran hevalên me jî ji ‘Desteyên Ewlekariya Mîllî yên biçûk’ re hatiye hiştin.”
Pêşeroja Bûyeran
Kenan Altûn bang li desthilatdariyê kir ku divê di çarçoveya pêvajoyê de gavên lezgîn û pêbawer bên avêtin û hemû girtiyên ku cezayê wan qediqiyaye bêyî astengî bên berdan.
Çavkanî: ANF Kurmancî