TEV-DEM: Divê hesabê êrişa li Girê Spî bê pirsîn

QAMIŞLO — Tevgera Civaka Demokratîk (TEV-DEM) êrişa li ser koçberên Girê Spî şermezar kir û ji bo parastina koçberan û hesabpirsîna ji êrişkaran banga destwerdana lezgîn kir.

Şantajeke xeternak a li dijî aştiya civakî

Têkildarî malbatên koçber ên ji Girê Spî ku li bajarê xwe rastî êrişan hatin, Tevgera Civaka Demokratîk (TEV-DEM) daxuyaniyek da. Di daxuyaniyê de êrişên li dijî koçberên Girê Spî yên Kurd, şewitandina milk û seyareyên wan ji hêla hinek koman ve, hatin şermezar kirin. Di daxuyaniyê de hat diyarkirin ku ev êriş ne bûyerên normal an êrişeke li hember kes an milkan e, ev êriş şantajeke xeternak a li dijî aştiya civakî, êrişa li ser bingeha jiyana hevbeş, hewldana avakirina tirsê û rakirina baweriya di navbera pêkhateyên civaka Sûriyeyê de ye.

Bangewaziya ji bo hikumeta veguhêz û parastina koçberan

TEV-DEM’ê di daxuyaniyê de bang li hikumeta veguhêz kir ku ji bo rawestandina van êrişan ew destwerdaneke lezgîn bikin, parastina pêwîst ji bo koçberên ku dê vegerin malên xwe dabîn bikin, hesab ji hemû kesên ku van kiryaran dikin bixwaze, vegera koçberan a bi ewle û bi rûmet misoger bike, her wiha daxwaz kirin ku ji bo rêgirtina ber van kiryaran rêkarên zelal pêk bînin û ji bo reva ji cezakirina ya êrişkaran sînorekî deyne.

Rakirina ala Sûriyeyê rewabûnê nade van êrişan

Di daxuyaniyê de hat destnîşankirin ku rakirina ala Sûriyeyê rewabûnê nade tu kesî ku êrişî şêniyan bike, binpêkirinê normal nake û vî sûcî nake xebateke niştîmanî, kesên ku kiryarên xwe yên şovînist di bin sembolên niştîmanî pêk tînin, xizmeta yekkirina Sûriyeyê nakin, ew navê wê reş dikin û gefan li girêdana civakî dixwin, rê li ber parçebûn û destwerdanên derve vedikin, divê ala Sûriyeyê bibe sernavê wekhevî, edalet û hevkariyê.

Pêşeroja Bûyeran

Hat diyarkirin ku domandina van kiryaran û nehesabxwestina ji sûcdaran, wê bihêle bandora tişta heyî kûrtir bibe.

Çavkanî: ANF Kurmancî