Tahîncîoglû: Zext û astengiyên li ser çapemeniya serbixwe ji bo hemû civakê hişyarî

AMED — Nûnerê T24’ê rojnamevan Gokçer Tahîncîoglû, da xuyakirin ku zextên li ser çapemeniya Kurd û mûxalîf zêde bûne û destnîşan kir ku astengiyên gihîştinê yên li ser çapemeniyên serbixwe hişyariyeke cidî ne.

Zext û Astengiyên li ser Çapemeniya Serbixwe

Di dema desthilatdariya AKP’ê de zextên li ser çapemeniya mûxalîf, bi taybetî di van her du salên dawî de zêde bûne. Desthilatdarî li dijî saziyên çapemeniyê yên ku wan wekî mûxalîf dibîne, dest bi bikaranîna rêbazên cuda yên zextê kir. Malpera nûçeyan a herî zêde tê xwendin a Tirkiyeyê T24 û hesabên wê yên medyaya civakî hatin astengkirin. Qeyûm li Halk TV’yê hat tayînkirin; malperên nûçeyan û hesabên medyaya civakî yên çapemeniya Kurd ên wekî Ajansa Mezopotamyayê, Jinnews û Yenî Yaşamê jî bi berdewamî rastî astengiyên gihîştinê tên.

Bîlançoya Binpêkirinan a DFG’ê

Li gorî daniyên Îlonê yên Komeleya Rojnamevanên Dicle Firatê (DFG), di warê înternet û medyaya dîjîtal de gihîştina ji bo 3 hezar û 492 naverokan hat astengkirin. Di heman demê de li ser 15 malperên nûçeyan astengî hatin danîn û 4 malper jî hatin girtin. Nûnerê T24’ê rojnamevan Gokçer Tahîncîoglû sedemên zextên li ser çapemeniyê û bandorên wan ên li ser rojnamevaniyê nirxand.

‘Desthilateke ku piraniya çîroka xwe wenda kiriye, heye’

Tahîncîoglû diyar kir ku desthilatdarî çîroka xwe bi piranî wenda kiriye û bal kişand ser wê yekê ku zextên li ser çapemeniyê mirov nikare tenê bi sedemekê ve girê bide û wiha axivî: “Li gorî min sedemeke wê ya tenê nîne. Dema hûn li herikîna siyasetê dinêrin, hûn dibînin ku mûxalefetekî belavbûyî û perçebûyî heye. Mûxalefetekî din heye ku li pêşiya siyasetkirina wê astengî çêdike û avahiyeke din a mûxalefetê heye ku di hilbijartinê de…

Pêşeroja Bûyeran

Pêşketinên dawî nîşan dide ku zextên li ser çapemeniya azad di çarçoveya polîtîkayên giştî yên desthilatdariyê de rojane girantir dibin û ev rewş ji bo siberoja azadiya ramanê metirsiyeke mezin e.

Çavkanî: ANF Kurmancî