Dahata Festîvala Hinar û Payîzê ya Helebce nêzî 2 milyar dînar bû

NAVENDA NÛÇEYAN — 12’emîn Festîvala Hinar û Payîzê ya Helebceyê îro êvarê bi daxuyaniyeke çapemeniyê bi dawî bû û hate ragihandin ku di festîvalê de bihayê milyarek û 820 milyon dînar firotin çêbûye.

Di Festîvalê De Milyarek û 820 Milyon Dînar Firotin Hat Kirin

12’emîn Festîvala Hinar û Payîzê ya Helebce ku di 28’ê Cotmehê de destpê kir, îro di roja xwe ya çaremîn de bidawî bû. Festîvala ku bi daxuyaniyeke çapemeniyê bidawî bû, tê de daneyên serdankerên festîvalê û rêjeya firotina ku di festîvalê de hatiye kirin, hate eşkerekirin. Rêveberî Giştî ya Çandiniya Helebceyê, Sitar Mihemed di daxuyaniyê çapemeniyê de eşkere kir ku bihayê milyarek û 820 milyon dînar berhem di festîvalê de hatine firotin. Her wisa da zanîn ku bi rêjeyek wiha bilind ya firotina berheman di festîvalê de, ji bo vejandina aboriya bajêr pêngaveke gelek başe.

Zêdetirî 502 Hezar Geştiyaran Serdana Festîvalê Kirin

Rêvebera Giştî yê Geştûgûzara Helebceyê Çiya Qasim jî di daxuyaniya çapemeniyê de hejmara mêvan, kiryar û serdankerên festîvalê eşkere kir û wiha got; “Di nav çar rojên 12’emîn Festîvala Hinar û Payîzê ya Helebceyê de, 502 hezar geştiyar û serdankeran hatine nav festîvalê. Plana ku me ji bo festîvalê dariştibû ji aliyê tîmên me ve bi awayek serkeftî pêk hat, tu nakokî û pirsgirêk di festîvalê derneketin. Bi awayek giştî festîval bi awayek serkeftî bidawî bû.” Her wiha Osman Merîwanî bi firotina qurnefîl û stran gotinê reng da Festîvala Hinaran û bal hate kişandin ser rola jinan a di parastina mîratê çandî de.

Pêşeroja Bûyeran

Festîval bi daxuyaniyek fermî û bi serkeftî hat girtin, di heman demê de çalakiyên rengîn ên wekî gotina stranan û parastina mîrateya çandî mohra xwe li vê çapa 12emîn xistin.

Çavkanî: Rojnews Kurmancî