ROJNEWS-BEXDA — Çavdêrên siyasî yên Iraqê di derbarê entegrasyona YBŞ-YJŞ’ê ya di nava sîstema ewlehiya Iraqê de, diyar kirin ku ev pêngaveke ji bo bihêzkirina desthilata dewletê û rêzgirtina li wê rola ku wan hêzan di parastina xelkê deverê de girtine ye.
- Entegrasyona YBŞ-YJŞ’ê ya di nava sîstema ewlehiya Iraqê de wekî wefadariyeke ji bo şehîdên di dema rûbirûbûna DAIŞ’ê de hate binavkirin.
- Rojnamevan Emîr Xefacî diyar kir ku ev pêngav di çarçoveya rênmayiyên berfireh ên ji bo kontrolkirina çekan di destê dewletê de ye.
- Çavdêrê Siyasî Leys Ciwamîr destnîşan kir ku tevlîbûna hêzên Şingalê wekî gaveke rast di çarçoveya hewldanên hikûmetê de ye.
Giringiya Entegrasyona Demokratîk a li Şengalê
Çavdêrên siyasî yên Iraqê têkildarî giringiya entegrasyona demokratîk a li Şengalê ku hêzên YBŞ-YJŞ’ê tevlî sîstema ewlehiyê ya Iraqê bûn, ji ajansa me re axivîn. Rojnamevan Emîr Xefacî got: “Hewldanên hikûmetê yên ji bo kontrolkirina çekan di destê dewletê de gaveke bingehîne. Entegrasyona hêzên Şengalê jî di çarçoveya van rênmayiyên berfireh yên ku li deverên din ên welat têde derbas dibine. Di nav de radestkirina çekan, tevilkirina pêkhateyên çekdar a di nav saziyên ewlehiyê yên fermî de.”
Nîşaneya Welatparêziyê û Qurbaniyên Êzidiyan
Di dewamê de Xefacî got: “Tevlîbûna yekîneyên Şingalê di nav sîstema ewlehiyê de nîşaneya welatparêziya van hêzan û cidiyeta wan a ji bo karkirina di çarçoveya dewletê de ye. Her wiha daxwaza hikûmetê ya biryara hêz û çek tenê di destê saziyên fermî de be nîşan dide.” Rojnamevan Emîr Xefacî da zanîn ku ev gav hîn bêtir girîng dibe gava ku mirov li bîra xwe bîne hêzên Êzidî di dema parastina herêm û xelkê xwe de çi qurbanî dane.
Pêşeroja Bûyeran
Çavdêrê Siyasî Leys Ciwamîr jî li ser entegrasyona li Şengalê got: “Tevlîbûna hêzên Şingalê wekî gaveke rast di çarçoveya hewldanên hikûmetê yên ku ji bo çek tenê di destê dewletê de ye. Ev pêngav daxwazeke navxw e.”
Çavkanî: Rojnews Kurmancî