Gelo wê îro parlamentoya Herêma Kurdistanê bikare bicive?

NAVENDA NÛÇEYAN — Biryare îro Parlamentoya Herêma Kurdistanê bicive, lê nakokiyên navbera PDK’ê û YNK’ê berdewam dikin û fraksiyonên parlamentoyê jî bûne du beş. PDK’ê eniyek ava kiriye û dixwaze îro civîna parlamentoyê pêk bîne, YNK’ê jî rêya baykotê hilbijartiye. Heta niha diyar nîne ka civîna îro dê rêjeya yasayî bi dest bixe yan na.

Helwesta Aliyan û Amadehiya Civînê

Tê payîn civîn saet 11:00’ê pêkwere, ji bo ku yekem civîna parlamentoyê ya ku berî du salan destpê kiribû û ji ber nakokiyên PDK’ê û YNK’ê heta niha nehatibû temamkirin, were qedandin û desteya serokatiya parlamentoyê were hilbijartin, ev civîn tê lidarxistin. Fraksiyonên parlamentoyê jî bûne du beş; fraksiyona PDK’ê eniyek avakiriye û dixwaze îro civînê lidarbixe. Lê YNK’ê jî eniya boykotê hilbijartiye. Fraksiyona PDK’ê, Eniya Gel, Sosyalîst û kêmnetew amadehiya xwe ji bo beşdarbûna di rûniştinê de diyar kirine. Lê YNK bi tundî li dijî vê yekê rawestiyaye û Nifşê Nû jî di eniya baykotê de li gel YNK’ê ye.

Helwesta Yekgirtû, Tevgera Helwêst û Komela Dadgerî

Fraksiyona Yekgirtû û Tevgera Helwêst ragihandin ku ew bi aktîvkirina parlamentoyê re ne, lê beşdarbûna di rûniştina îro ya parlamentoyê de red dikin û nabin parçeyek ji nakokiyên siyasî yên navbera PDK’ê û YNK’ê. Serokê Tevgera Helwêst Elî Heme Salîh di daxuyaniyekê de ragihand, dibe ku parlamenterên wan biçin hundirê hola parlamentoyê, lê deng nadin desteya serokatiya parlamentoyê. Komela Dadgerî jî ku her ji destpêkê ve neçûbû parlamentoyê, careke din helwesta xwe nû kir û parlamento weke saziyeke “dîzaynki

Pêşeroja Bûyeran

Pêşketin û encama vê civîna girîng a ku biryare îro saet 11:00’ê de pêkwere, li benda zelalbûnê ye ku gelo dê rêjeya yasayî bi dest bixe an na.

Çavkanî: Rojnews Kurmancî