120 jinên têkoşer hêjayî xelata rêzgirtinê hatin dîtin

SILÊMANÎ-ROJNEWS — Komeleya Pêşmergeyên Dêrîn yên Kurdistanê bi boneya 37’emîn damezrandina Yekîtiya Jinên Kurdistanê xelata rêzgirtinê pêşkeşî 120 jinên têkoşer kir.

Bi dirûşmeya ‘Jin, Têkoşîn û Jiyan’ merasîm hate lidarxistin

Li navenda Komeleya Pêşmergeyên Dêrîn yên Kurdistanê ya li bajarê Silêmaniyê, beşê Rêxistinên Şoriş (YNK) bi boneya 37’emîn salvegera damezrandina Yekîtiya Jinên Kurdistanê ya li Çiya bi dirûşmeya “Jin, Têkoşîn û Jiyan” bi mebesta rêzgirtin û wefadariya beramberî jinên çiya û bajêr, xelata rêzgirtinê pêşkeşî 120 jinên li çiya kir.

Mehabad Heme Emîn: Dîrokeke geş a jinên Kurd e

Endama Encûmena Bilind ya Pêşmergeyên Dêrîn, Mehabad Heme Emîn têkildarî merasîma xelatdayînê wiha got; “Yekîtiya Jinên Kurdistanê berî 37 salan li çiyayan hate damezrandin. Komeleya Pêşmergeyên Dêrîn yên Kurdistanê pêwîst dît ku vê salvegerê binirxîne. Ji ber ku ew dîrokeke geş a jinên Kurde ku di rewşekê de ku Kurd ji axa xwe hatine sirgûnkirin de hatiye afirandin. Ji ber vê yekê, îro 120 jin dê ji ber têkoşîna xwe ya li çiyayên Kurdistanê ji bo doza Kurd kirin werin xelatkirin.”

Hestên jinên ku xelat wergirtin

Her wisa ji xelatgiran Nahîde Ebdulkerîm jî têkildarî mijarê ev tişt got; “Em niha di nav hestên pir xweş de ne ku xelata rêzgirtinê werdigirîn. Ew rêzê li têkoşîna me digirin. Ji ber ku serdema me ya li çiya pir dijwar bû ku me wan salan ji bo welat têdikoşiya. Her wiha ji bo civakê pir girînge ku rêzê li têkoşîna Kurdan, bitaybet jinan bigirin. Ji ber ku wan li bajar û çiyayan têkoşiya û ji bo neteweya xwe bûn da

Pêşeroja Bûyeran

Di çarçoveya 37’emîn salvegera Yekîtiya Jinên Kurdistanê de, têkoşîna jinên Kurd ên li çiya û bajêr hate bilindkirin û bi dayîna van xelatan wefadariya li hemberî ked û têkoşîna wan hate nîşandan.

Çavkanî: Rojnews Kurmancî