Tîrêj Şengalî: Statûyek ji bo civaka Êzidî û Şengalê pêwîste

ŞENGAL — NEWROZ DEMHAT / ROJNEWS — Endamê Fermandariya Giştî ya YBŞ’ê Tîrêj Şengalî da zanîn ku piştî lihevkirina di navbera hêzên leşkerî de niha li ser dosyayên civakî, siyasî û îdarî kar tê meşandin û got: “Dosyaya leşkerî girînge lê divê bi dosyaya îdarî re were destgirtin. Di çarçoveya destûrê de statûyek ji bo civaka Êzidî û Şengalê pêwîste.’’

Lihevkirina Dîrokî û Nîqaşên Siyasî

Di 26’ê Cotmehê de li lûtkeyên Çiyayê Şengalê lihevkirineke dîrokî di navbera hêzên parastinê yên Şengalê û hikûmeta navendî ya Iraqê de hatibû ragihandin. Ji wê demê ve ye derbarê vê lihevkirinê, pêşeroja civaka Êzidî û Şengalê de rojeveke germ û nîqaşên berdewam hene. Ji bilî kesên weke Elî Teter û Rêber Ehmed ku baskek yê PDK’ê temsîl dikin û li dijî vê lihevkirinê dixwazin careke din Peymana 9’ê Cotmehê li Êzidiyan ferz bikin, beşek zêde ya hêzên siyasî û raya giştî piştgiriya vê lihevkirinê kirin û desteka xwe ji bo mafên civaka Êzidî ya xwe parastin û xwerêvebirinê ragihandin.

Pêwîstiya Statûyeke Taybet ji bo Şengalê

Endamê Fermandariya Giştî ya YBŞ’ê Tîrêj Şengalî ku di 26’ê Cotmehê de li ser navê hêzên parastina Şengalê peyama lihevkirinê xwendibû, ji ajansa me Rojnews’ê re axivî û derbarê girîngiya vê lihevkirinê de, siberoja civaka Êzidî û Şengalê, nîqaşên ku li derdora vê lihevkirinê berdewam dikin, nirxandinên girîng kirin. Tîrêj Şengalî diyar kir ku di çarçoveya destûra Iraqê de pêwîste statûyeke taybet ji bo civaka Êzidî û Şengalê were diyarkirin. Her wiha da zanîn ku wê entegrasyona hêzên leşkerî bi dosyayên civakî, siyasî û îdarî berdewam bike.

Pêşeroja Bûyeran

Endamê Fermandariya Giştî ya YBŞ’ê Tîrêj Şengalî tekez kir ku dosyaya leşkerî girîng e lê divê bi awayekî koordînekirî bi dosyaya îdarî re were destgirtin û di çarçoveya destûrê de statûyek ji bo civaka Êzidî û Şengalê bê misogerkirin.

Çavkanî: Rojnews Kurmancî