RANYE — Li navçeya Ranyeyê Dezgeha Asayîşa Herêmê li dijî madeyên hişbir pêngaveke nû da destpêkirin û bal kişand ser pêwîstiya xebatên hevpar ji bo pêşîgirtina li van madeyan.
- Pêngava bi navê ‘Pêşîgirtina Madeyên Hişbir, Hizrê Tundrew û Bihêzkirina Çanda Bexşîn û Bihevre Jiyînê’ li Ranyeyê destpê kir.
- Berdevkê Asayîşê Karzan Şêrko diyar kir ku kesên serî li wan bidin û bibêjin ew madeyên hişbir bikar tînin dê weke qurbanî bên dîtin ne weke sûcdar.
- Pisporê Yasaya Sûc Ranyar Qadir ragihand ku ji sedî 55ê kesên madeyên hişbir bikar tînin zewicîne û piranî karker in.
Pêngava Nû ya Asayîşa Herêmê
Li navçeya Ranyeyê bi pêşengtiya Dezgeha Asayîşa Herêmê pêngaveke ya bi navnîşana ‘Pêşîgirtina Madeyên Hişbir, Hizrê Tundrew û Bihêzkirina Çanda Bexşîn û Bihevre Jiyînê’ da destpêkirin. Di ragihandina pêngavê de gelek kesên ji pîşeyên cuda yên civakê amade bûn. Dezgeha Asayîşa Herêmê diyar kir ku pêwîste bi hemû awayî ji bo pêşîgirtina madeyên hişbir kar bikin.
Helwesta Asayîşê Li Sûcdar û Qurbaniyan
Piştî deqeyek rêzgirtina ji bo giyanê şehîdan û şûnde Berdevkê Dezgeha Asayîşa Herêma Kurdistanê Karzan Şêrko axivî û got: “Her kesê biçe gel aliyên têkildar û bêje; ‘ez madeyên hişbir bikar tînim’ ewê weke sûcdar neyê dîtin, weke qurbanî nêzîkatî li gel bê kirin. Mixabin Wezareta Tenduristiyê bi erkê xwe ranebûye, ji bo hinek kesan li civakê bide qezenckirin. Hinek bazirgan hene ku dixwazin Herêma me bikin qada veguhestina madeyên hişbir. Em kêfxweşin ku me hinek ji wan girtine.”
Amar û Rewşa Civakî ya Bikarhêneran
Pisporê Yasaya Sûc Ranyar Qadir jî anî ziman ku bikarhênerên madeyên hişbir temenê wan cuda cuda ne û got: “Ciwan hene temen 19-20 salîne madeyên hişbir bikar tînin. Ji sedî 55 kesên madeyên hişbir bikar tînin zewicîne. Piranî jî karkerin. Di nava kesên bikartînin de jî, jin jî hene.” Her wiha di ragihandina pêngavê de gelek kes axivîn û bal kişandin ser xeterî, rê û rêbazên pêşîgirtina zarok û ciwanan ji bikaranîna madeyên hişbir.
Pêşeroja Bûyeran
Înisiyatîfa Yekitiya Demokratîk diyar kir ku divê Başûr pirsgirêkan bi diyalogê çareser bike, di heman demê de xebat û pêngavên hişyarkirina civakê û têkoşîna li dijî madeyên hişbir bi biryarî dewam dikin.
Çavkanî: Rojnews Kurmancî