ÎBRAHÎM ÊZIDÎ-ROJNEWS / Di rojnivîsa Fermandarê HPG’ê Şehîd Dilşêr Herekol de ku li ser qonaxên sereke yên rizgarkirina Şengalê disekine, Fermandar Dilşêr balê dikişîne ser kêliya ku navenda Şengalê ji çeteyan hate rizgarkirin û dide diyarkirin ku ew xeyala hevalan a bi mehan li bendê bûn pêk hat.
- Rojnivîsa Fermandarê HPG’ê Şehîd Dilşêr Herekol yek ji belgeyên herî girîng e ku mohra xwe di dîroka rizgariya axa pîroz de daye.
- Koma herî bi kelecan a li navenda bajêr, hevalên ku hilkişiyan ser siloyê (embara genim) bûn da ku ala DAIŞê daxin û ala HPGê li ba bikin.
- Li xaçerêya ku li rojavayê Şengalê dikeve, hevalên me bi daliqandina alên PKK, HPG û YBŞ’ê em pêşwazî kirin.
Pêkanîna xeyala 11 mehan a li ser siloya Şengalê
Rojnivîsa Fermandarê HPG’ê Şehîd Dilşêr Herekol ji bo diyarkirina rastiya rizgarkirina Şengalê, yek ji belgeyên herî girîng û berbiçave ku mohra xwe di dîroka rizgariya axa pîroz de daye. Di vê beşê de jî fermandar perdeyê ji ser kêliya ku gerîla û şervanan hemû cihên stratejîk ên Şengalê ji DAIŞ’ê rizgarkirine, dide alî. Fermandarê HPG’ê Şehîd Dilşêr Herekol dibêje: Koma herî bi kelecan a li navenda bajêr, hevalên ku hilkişiyan ser siloyê (embara genim) bûn. Tam 11 meh bûn hevalên me plan dikirin ku ala DAIŞ’ê ya li ser wê siloyê daxin û ala HPG’ê li ba bikin. Loma jî gava ku ketin navendê, yekem tiştê ku kirin ew bû ku hilkişin ser siloyê û xeyalên xwe pêk bînin. Helbet wan ev kêliya dîrokî bi kamerayê kişandin û mayînde kirin.
Pêşwazîkirin û dîlanên li navenda bajêr
Dema em nû ketin bajêr, li xaçerêya ku li rojavayê Şengalê dikeve, hevalên me bi daliqandina alên PKK, HPG û YBŞ’ê em pêşwazî kirin. Helbet ne mimkûn bû ku em bi vî dîmenî re serbilind nebûna. Di destê her kesî de kamerayek hebû, ew dîmen mayînde dikirin. Hevalên çapemeniyê dîmenên dîlana ku me bi boneya rizgarkirina Şengalê pêk anî, kişandin û dan televîzyonê. Dema ku me bi Hevalê Devrîm Palû re planên lezgîn çêdikir, Heval Ber…
Pêşeroja Bûyeran
Rojnivîsa Şehîd Dilşêr Herekol bi hûrgulî û dîmenên xwe yên dîrokî ronahiyê dide ser qonaxên herî krîtîk ên pêngava rizgarkirina Şengalê û têkoşîna bêhempa ya gerîla û şervanan.
Çavkanî: Rojnews Kurmancî