30 sal bi ser damezrandina Alaya Leşkerî ya Jinan re derbas bûn

SÎLÊMANÎ — 30 sal di ser damezrandina Alaya Leşkerî ya Jinan re derbas dibin; hêzek ku bi beşdariya jinan li Silêmaniyê hate damezrandin û paşê gihişt nêzîkî 500 endaman, di demekê de ku niha piştgirî û baldariyek zêdetir ji bo vê hêzê tê xwestin.

Dîroka Damezrandinê û Pêvajoya Wê

Alaya (fewc) Leşkerî ya Jinan di 11’yê Tîrmeha 1996’an de hate damezrandin. Di destpêka avakirinê de hejmara endamên vê alayê kêm bû. Lê paşê hejmar gihişt nêzîkî 500 jinan. Yek ji damezrînerên Alaya Leşkerî ya Jinan a Başûrê Kurdistanê Sirwe Îsmaîl bû, ku di sala 2003’yan de bi biryara fermandarê Hêzên Pêşmerge yên Kurdistanê veguherî Hêza Parastina Sînor û heta niha jî di vê pozîsyon û mîsyonê de erkê xwe didomîne.

Pîrozbahî û Nirxandina Damezrîner Sirwe Îsmaîl

Sirwe Îsmaîl bi boneya salvegera damezrandinê, hemû jinên endamên Alaya Leşkerî ya Jinan pîroz dike û di wê baweriyê de ye ku ev yekem ezmûna damezrandina hêzên jinan li Kurdistan û Iraqê ye. Sirwe Îsmaîl behsa dîroka damezrandina Alaya Leşkerî Jinan kir û got; ‘Di 11’yê Mijdara 1996an de, em ligel jinên din beşdarî damezrandina Alaya Leşkerî ya Jinan bûn. Destpêka damezrandina hêzên jinan dikare bi gelek sedeman ve were girêdan. Bi taybet piştî bûyerên 31’ê Tebaxê ku jinan beşdarî bûyerên şoreşa nû û tevgera rizgariya jinan bûn. Keda wan di wê têkoşîn û şoreşê de diyare.’

Rewşa Jinan û Têkoşîna Wê demê

Sirwe Îsmaîl di dewamê de got; ‘Di wê demê de, rewş ji bo jinan guncawtir bû ku rol û têkoşîna xwe ji nû ve binirxînin û yekîneya leşkerî ava bikin. Lêbelê, piştî rêxistina sektor û tîman, ew di bin hêzên Pêşmergeyên Kurdistanê de hatin bicihkirin.’

Pêşeroja Bûyeran

PERÊZ REMEZAN-ROJNEWS ragihand ku her çend ev hêz di nava salan de gihîştiye asteke girîng a rêxistinbûnê, lê niha piştgirî û baldariyek zêdetir ji bo vê hêzê tê xwestin.

Çavkanî: Rojnews Kurmancî