HESEKÊ – Artêşa dewleta Tirk a dagirker û çeteyên wê ji Cebheta El-Nusra û DAIŞ’ê tevî agirbestê di êrişên xwe de berdewam in û sûcên şer li dijî sivîlan pêk tînin.
Li gundewarên Serêkaniyê êrîş berdewam in
Artêşa dewleta Tirk a dagirker û çeteyên wê di saetên êvarê de hewl da derbasî gundê Lîlan ê girêdayî bajarê Serêkaniyê bibin. Lê belê hewldana wan a derbasbûnê rastî bersivên QSD’ê hat û şer rû da. Di encamê de 3 çete hatin kuştin û hin jî birîndar bûn.
Li beramberê jî şeva berê di encama hedefgirtina firokeya bêpîlot a artêşa dewleta Tirk a dagirker a gundê Mişrafa yê Serêkaniyê de, 3 şervanên QSD’ê birîndar bûn.
Duh jî di encama êrişên artêşa dewleta Tirk a dagirker û çeteyên wê ji Cebhet El-Nusra û DAIŞ’ê de, li gundewarên Serêkaniyê Esediyê, Til Diyab, Mişrafa, Bîr Noh û Derdara şerekî dijwar rû da.
Li aliyekî dîtir jî di encama şerê li gundê Menacîr şêniyek birîndar bû û rakir nexweşxaneyê da ku tedawî bikin.
Li Girê Spî, êriş û hedefgirtina sivîlan
Di êrişên li dijî gundê Xirbet Beqer ê girêdayî navçeya Eyn Îsayê de 5 çete ji Cebheta El-Nusra û DAIŞ’ê hatin kuştin û her wiha jî çeteyan xwe bi xwe bi hev ketin û çekên giran li dijî hev bikar anîn.
li gundê Ricêman ê li bakurê Eyn Îsayê, dewleta Tirk a dagirker yekser malbateke bi 6 kesan bi temamî kir hedef û di encamê de malbat bi tevahî birîndar bû.
Li aliyekî din jî artêşa dewleta Tirk a dagirker êrişî gundên Evdiko Biçûk û Bîrkêtik ên girêdayî bajarê Girê Spî kir û şerek li herêmê rû da. Her wiha jî çeteyên dewleta Tirk a dagirker gundên Ereb Hesen û Um Cilod ên bakur-rojavayê bajarê Minbicê hedef girtin.
Çeteyên dewleta Tirk a dagirker, Cebheta El-Nusra û DAIŞ’ê ji depoyên Dehlîz ên li bajarokê Silokê yê girêdayî Girê Spî 11 hezar û 400 ton genim dizîn û birin dewleta Tirk da ku bifiroşin.
Navenda Çavdêriya Mafên Mirovan a Sûriyê piştrast kir ku çeteyên dewleta Tirk a dagirker tîma tunduristiyê li herêma Silûkê ya gundewarê Girê Spî ku ji 3 endaman pêk tê, kuştin.
Li bajarokê Hemam Tirkmen ê girêdayî kantona Girê Spî erebeyeke bombebarkirî li pêşiya navenda çeteyên Ehrar El-Şerqiyê, teqiya.
Li Qamişlo Hêzên Ewlekariya Hundirîn û polîsên Rûsyayê dest bi dewriya duyemîn kirin
Duh Hêzên Ewlekariya Hundirîn û polîsên leşkerî yên Rûsyayê li rojavayê Qamişlo dest bi dewriya xwe ya duyemîn kirin û 50 km geriyan.
Daxuyaniyên QSD’ê û Rêveberiya Xweser
Hêzên Sûriya Demokratîk bîlançoye şer a 24 saetên derbasbûyî eşkere kir û got, 5 wesayît û panzêrek rûxandin, 44 çete hatine kuştin, her wiha 3 şervanên QSD`ê şehîd bûn.
Her wiha Rêveberiya Xweser a Bakur û Rojhilatê Sûriyê, diyar kir ku ji destpêka şoreşê ve û heta niha da ku aloziya Sûriyê were çareserkirin, ew israra diyalogên Sûrî-Sûrî dikin, her wiha parastina yekîtiya xaka Sûriyê û serweriya wê, ji hemû hêzên terorîst ên ku hewldana parçekirina hebûna Sûriyê bikin, dikin.
Rêxistina Efûyê:Dewleta Tirk koçberan bi zorê vedigerîne Sûriyê
Rêxistina Efûyê ya Navdewletî diyar kir ku Tirkiyê penaberên Sûriyê neçarî vegera li herêmê şer dike, di encamê de jiyana dixe nava tahlûkê de.
Di heman demê de endamên NATO`yê der barê girîngiya çareseriya aloziya Sûriyê û parastina destkeftiyên li dijî ADIŞ`ê hatine bidstxistin, li hev kirin.
Ji ber êrişên artêşa Tirk, rewşa mirovahiyê kambax e
ji destpêka êrişên artêşa Tirk û topbarana li dijî herêmê, 300 malbat ji Girê Spî û gundewarên wê ber bi gundê Hêşê yê rojhilatê navçeya Eyn Îsayê çûn û meclisa bajêr îşaret rewşa kambax a derbarê vê yekê kir.
Her wiha kadroyên tenduristiyê yê nexweşxaneya Şehîd Omer Alûş a navçeya Eyn Îsa got, ji ber topbarana artêşa Tirk ji bajarê Girê Spî re, gelek sivîl bûn qurban, li ser vî esasî bang li aliyên peywendîdar kir, ku der barê sûcdariyên artêşa Tirk li dijî kadroyên tenduristiyê û armanckirina sivîl û nexweşxaneyan de lêpirsîn were destpêkirin.
