NAVENDA NÛÇEYAN – Endamê Şerê Taybet ên dewleta tirk a dagirker û Wezîrê Karên Hundir ên Tirkiye Suleyman Soylu, piştî di sala 2016’an de bû wezîr, herî zêde wî pestê xwe bi şerê li dijî PKK’ê da û got “Dê carek din navê PKK’ê neyê bilêv kirin. Lê Suleyman Soylu, heta niha gelek caran dîrok da ku dê navê PKK’ê neyê gotin. Niha dîsa dîrok da û diyar kir ku piştî 2020’an dê navê PKK’ê neyê gotin. Vê carê aşkere kir ku hêjmara endamên 500-700 kes mane û herî zêde Soylu navê PKK’ê bilêv kir.
Endamê Şerê Taybet ên dewleta tirk a dagirker Suleyman Soylu, duh li herêma Barageha Moray a Kopa Mûşê carek din navê PKK’ê dubare kir û got piştî 2020’an dê kes navê PKK’ê nexe devê xwe û dê PKK’ê bi dawî bikin. Soylu, di 1’ê Cotmeha 2016’an de piştî ji Wezîr Efkan Ala peyvir dewir girt, heta niha gelek caran pesnê xwe da û dîrok dan û diyar kir ku dê di baharê de, nîsanê de êdî neyê bi lêvkirin. Piştre bi dehan carên din dîrokên cudan. Lê yê herî zêde navê PKK’ê bi lêv kir. Soylu, piştî hat ser kar 3 meh şûnde got “Dê di nîsana 2017’an de êdî kes navê PKK’ê bilêv neke. Soylu, dîsa beriya 31’ê Adarê got “Sutuyê me li ber Qandîlê xwar nekin” û xwest her kes deng bidin wan. Soylu di sala 2018’an de got “Li çiyê nêzî 700 endamên PKK’ê mane. Duh jî dîsa got niha nêzî 500-550 kes mane. Soylu di 20’ê mijdarê de jî li meclîsê di Komîsyona Plan û Butçeyê de gotibu îsal me 363 kes bi giştî hezar û 1144 terorist bê bandor kir. PKK gelek caran got me rê li pêş tevlêbûna PKK’ê girtiye, lê her ku diçe hêjmar zêde dibe.
36 WEZÎR HATIN Û ÇÛN, LÊ PKK MA
Piştî PKK hat avakirin û heta niha 36 wezîr hatin û çûn. Dema PKK hat avakirin Wezîrê Karên Hundir Îrfan Ozaydinli hebû. Piştre jî Hasan Fehmî Guneş, Yildirim Akbulut, Abdulkadir Aksu, Îsmet Sezgin, Mehmet Agar, Meral Akşener, Nahit Menteşe, Îdrîs Naim Şener, Beşir Atalay, Efkan Ala û gelek kesên din jî di navde 36 wezîr hatin guhertin. Tevan heman tişt got.
SOYLU DI 2016’AN DE GOT: EM DÊ XELAS BIKIN
* 8 Kanûn 2016 – Wan: “Piştî nîsanê bi qasî nikaribin xeyal bikin tê tune bibin.”
* 14 Kanun 2016 -Colemêrg: “Emê di Sibat û Adarê de wisa teknika teknolojiyê pêş bixin êdî dê ceraset nekin ku ji şikeftên xwe derkevin.”
* 18 Kanûn 2016 – Qeyserî: “Carek din dê êdî kes nikaribe navê PKK’ê têxe devê xwe. Xwedê şahid e emê vê yekê bikin”
2017: PKK KÊLIYÊN XWE YÊN DAWÎ DIJÎ
* 3 Çile 2017 -Li Meclisa Giştî: “Tirkiye dê terorê xelas bike û welas bike jî.”
* 22 Çile 2017 -Trabzon: “Em serbilind in û êdî ev rêxistinen terorê dema xwe ya dawî dijî”
* 28 Çile 2017 – Midûriyeta Şaxa Tevgera Taybet a Êlihê: “PKK li çiyê tune xwe kişandin”
* 18 Sibat 2017 – Teşkilata AKP’ê ya Îzmirê: “Em dê navê PKK’ê ji ser vê axê paqij bikin.”
* 4 Adar 2017 – Mugla: “Em de navê PKK’ê ji ser vê axê paqij bikin û tune bikin.”
* 28 Adar 2017 – Li pêş avahiya AKP’ê ya Dernekpazari: “Bila bi komî werin. Bila bi hemû çekên xwe werin. Bila zanibin PKK li ser vê axê çi bike bila bike emê navê wê tune bikin.”
* 15 Îlon 2017 – Hatay Dortyol, “Emê bi PKK’ê re mijûl bibin.”
* 12 Mijdar 2017 – Fermandariya cendirmeyan a Gurbulak a Bazîdê: “Em bersîvên muhîm didin rêxistina PKK’ê.”
* 26 Mijdar 2017 – Kongreya AKP’ê ya Dernekpazari: “PKK dê vê zivistanê xelas bibe.”
2018: PKK BÊHNA XWE YA DAWÎ DIDE
* 18 Îlon 2018 – Çankiri, 31’emîn Hefteya Ahîtiyê û Pîrozbahiyên Çanda Yaran: “Li hundir êdî PKK nefesa xwe ya dawî dide.”
* 5 Mijdar 2018 -Akademiya Ewlehiya Perav û Cendirmeyan: “PKK, îro hatiye asta xelasbûnê.”
* 30 Kanûn 2018 – Dersîm: “PKK êdî ji kaş gindir dibe. Êdî vegera wê ne pêkan e”
* 31 Kanûn 2018 – Salona Sporê ya Şaredariya Mamakê: “Têkoşîna bi PKK’ê re hatiye kêliya dawî.”
2019: STUYÊ ME LI PÊŞ QANDÎLÊ XWAR NEKIN
* 10 Sibat 2019 – Enqere: “…Me PKK eciqand.”
* 15 Sibat 2019 – Golbaşi Enqere: “Hêzae me kêm nekin li pêş Qandîlê sutyê me xwar nekin”
* 17 Sibat 2019 – Mamak Enqere: “Li vî welatî bi navê rêxistina PKK’ê ya terorê dê tiştek nebîne.”
* 24 Sibat 2019 – Trabzon: “Heta terorîstê dawî bê tesîr bibe ji mere xew heram e.”
* 2 Adar 2019 – Bayburt: “Me şah damara PKK’ê qut kir.”
* 6 Adar 2019 – Masa Editoriya AA: “Înşallah emê bi Îranê re li dijî PKK’ê operasyonê pêk bînin”
* 18 Adar 2019- Li Muratpaşa Antalya: “Di 6 mehên dawî de em li çiyê li terorîstan digerin em nabînin”
* 28 Adar 2019-Beşiktaş Îstanbul: “Me gura em hatin dawî êdî em terorê xelas dikin”
* 30 Adar 2019-Enqere: “Piştî hilbijartinê em dê Qandîlê li cihê wê nehêlin”
* 22 Tebax 2019- Enqere: “Ji serê salê heta niha di 80 hezar û 570 operasyonan de 635 PKK’î me bê tesîr kir.”
* 27 Tebax 2019-Enqere: “Li nava welat hêjmar daket min 600 kesî.”
* 20 Mijdara 2019-Enqere: “Li nava welat kêmî 500 kesan maye.”
* 29 Kanûn 2019-Muş Deşta Şenê: “Di sala 2020’an de rêxistinek wisa namîne.”
* 29 Kanun 2019-Stenbol- Di bernameyke tv de: “Li Tirkiyeyê niha 500-550 PKK’î hene.”