NAVENDA NÛÇEYAN – Peyva nijadperestî ku wateya wê tenê girîngî dayîna gel û neteweyê xwe, di fikrê parastina berjewendiyên xwe de ye. Nijadperest ji bo parastin û bilindkirina nijadê xwe amadeye her tiştî bike, pir bi hêsanî dikare ji bo berjewendî û serdestkirina gel û Nijadê xwe gelên din di bin qirkirinê re derbas bike, ji bo parastina axa ku di destê wê de ye û di kêlek wêyekê de jî ji bo dagirkirina der dor û berfireh kirina herêma di bin desthilatê xwe de jî her plan, kar û projeyek dide pêşiya xwe.
Bi giştî mirov ji bo pênaseya nijadperestan bi awayek kûrt di vê çarçoveyê de dikare vebêje. Her çiqas jî dijber û dagirker bin û mafên gelê din binpê bikin, lê herî kêm çand, ziman, nasname, bawerî, gel û nijadê xwe diparêzin!
Niha li Rojhilata navîn yek ji gelê ku herî zêde pêdîviya xwe bi yekîtî, yekrêzî, yek dengî û hevdû parastinê dibîne gelê Kurde. Lê ji ber nêzîkatî û tevgerandinên PDK û hinek aliyên pêre gelek salên dur û dirêjin ku piroseya yekîtiyê bi ser neketiye û negihîştiye encamê. Binêrin di kêlek wêyekê de jî hinek kes pir caran dibêjin PDK partiyek netewpereste û ji bo piroseyên Demokratîk û bi gelên din re jiyan kirin re ne amadeye. Dibêjin PDK jî wekî gelê Tirk û Faris birdoziyekî netewperestane peyrev dike û dixwaze wekî welatên derdor bi taybet Îran û Tirkiye bibe xwediyê Dewletek neteweyî û serwerî. Serdestiya Gelê Kurd li Herêmê wekî aliyên din bide ava kirin! Lê PDK’ê ne tenê nijadperest nîne dibe ku Antînijad ve jî! Ji kok û avabuna vê partiyê heta roja îro ti berjewendiyek gel esas negirtiye, hertim pê li şahdamarê berjewendî û rumeta Gelê kurd kiriye. Ger PDK nijadperest buya wê ti carî rêkê nedaba ku zarokên vî gelî di herêma di bin venêrîna wê de û di heman demê de bi çavsaxiya wê de werin şehîd xistin. Gelo çawa dibe ji kes an jî aliyek re bêjin Nijadperest ku ti carî hewil nedabe alî û malê Gel bîne ba hevdu û ji bo carek jî bibe berjewendiyên takekesî û malbatî bavêje nav sitlê çopê? Ma dibe ji kesek re bêjin nijadperest ku her tim şerê alî û partiyên din ya ku ji xwîn û goştê wê ne bike. Partiyek nijadperest her çiqas jî hov û dijberê Gelê din be, dê herî kêm gel û nijadê xwe biparêze û di heman demê de wê li ser gelê din serdest û bi bandor bike. Ji bo ku alî û partiyên navxweyî bêne ba hevdu wê ji gelek berjewendiyên xwe çavpaşî bike.
Di dîrokê de welat hebuye kû ji bo tola gel an jî leşkerek xwe rake, bi mudetê 18 salan li pey şopa kesê ku gelê wê qir kiriye ketine û girtine, tola gelê xwe rakirine. An jî welat hebuye ji bo ku tenê leşkerek xwe yê dîlgirtî di dest dijmin de xelas bike di beramber de 12 kesê dîlên şer daye dijminê xwe.
Lê PDK kû hinek jê re dibêjin neteweperest, di şerê DAÎŞ’ê de bi hezaran gelê Şengalê radestê çeteyên hov kir. 11 Hezar çekdarê PDK li Şengalê hebûn lê hîn çeteyên DAÎŞ’ê negihîştibûn Şengalê, çekdarên PDK reviyan. Ma mirov dikare ji partiyek wisa re bêje nijadperest ku buye sebebê jenosîd û firotina kerameta bi hezaran ji gelê xwe.
Çawa dibe ji aliyek an jî ji partiyek re bibêjin netewperest ku dest jê berde fîzîkî, nikaribe di asta axaftin de jî gelê xwe biparêze! Mînakê herî berbiçav li holêye. Demek berî niha bi serdana Papa Fransiz Rêberê Olê Mesîhî ku li Eraq û Herêmê kiribû, PDK jî xwest bi wê munasebetê tiştek bike, rabu û çend Pulekek derxist, li ser yek ji wan Pulekan resmê Erdnigariya Kurdistana yek parçe kişandibû. Lê hêj bi fermî wê pulekê nedabû çapkirin û tenê resmê wê nîşanê gel dabû. Tirkiye û Îran ji bo wan pulan bertek nîşandan û ti heqaret nema ku ji wan berpirs û serok eşîrê Başur re nebêjin. Baxçelî û Akşener ku serokê partiyên Netewperest ê Tirkiye çi ji devê wan derket ji PDK û berpirsên Herêmê re gotin. Baxçelî got “em we, fikîr û xeyalê we di bin lîngan de dipelçiqînîn.” Bi dehan berpirs û siyasetmedarê Tirkan bi rojan li ser medyayan heqaret li wan kirin. Lê tevî wan bertek û bêrêziyan jî piştî çend rojan Berdevkê Hikumetê derket pêşberê Qamêreyan û tenê ewqas got; “Me hêj wê pulekê çap nekiriye û nefermiye jî.” Başe partiya ku nikaribe tenê di asta axaftinê de jî resmê Erdnigariyek ku bi qasê lepê destê mirovan jî nabe biparêze, wê çawa bikare îdayê netewperestî hebe û gelek hejmara wan digihîje 50 Milyonî biparêze?!
Ne Nijadpereste, Malbatpereste!
Mirov dikare ji PDK re bêje Malbatperest. Ji ber ku ji bo berjewendiyê malbata xwe amadeye berjewendiyê gelê Başurê Kurdistan û tevahî gelê Kurdistan binpê bike. Dest jê berde ku malbata PDK xêr û bêrê gel û parçeyê din ê Kurdistanê esas nagirin û di bin lingan de dipelçiqînin. Başiya parçeyê ku bixwe tê de serdestin jî naxwazin. Gelê Başurê Kurdistan ji bê karî û birçîtiyê koçberê welatên derve dibin û ji bo ku jiyanek normal bidin ava kirin şev û roj di bin şert û mercên zehmet de dixebitin. Ji xwe mijara astengî û zehmetiyên rêka koçberiyê jî rupelek din yê wî pirtuka tirajedîke. Bi heyv û salan di nav kamp û çadiran de asê dimînin. Ji xwe qismek zêde ji wan jî di nav behrê de dixeniqin. Gelê me yê Başurê kurdistanê ji bo kû bigêjin welatek din ewqas zor û zehmetiyan dibînin.
Trajediyek mezine kû pêşmergeyên ku di şerê DAİŞ’ê de çav an jî parçeyek ji laşê xwe ji dest dane, ji ber xizanî û bê derfetiyê nikaribin ji bo tendirûstî û çareseriya xwe biçin welatê herî nêz! Lê Kak Nêçîrvan Barzanî tenê ji bo kirînê kolonyaya Fransî bi firokeyê Taybet tevî kurê xwe diçe Parîsê!
An jî mînaka herî berbiçav ku vê demê dawî derket holê ye! Lîstokvanê navdewletî yê Futbolê Neymar ji nîşka di dîmenek de di nav torên civakî de derket û got “Ez rojbuna Mesrur Barzanî Serokê Herêma Kurdistanê Pîroz Dikim û hêviya temen dirêjiyê jê re dixwazim!” Rastiya wê mijarê jî li gor agehiyên ku di nav tora sanal de hatibun bilavkirin wiha bûn; Arîn Barzanî ku kurê Mesrur Barzanî ye ji bo ku Mesrur wekî karekterek Futbolê gelek ji Neymar hez dike, di rojbuna Mesrur Barzanî de Arîn ji bo ku surprîzek bike bîranînek giran bûha ku nayê zanîn çiye, dide neymar da ku ew jî rojbuna Mesrur pîroz bike. Heta hinek caran wêyekê jî dibêjin ku Arînê Kurê Mesrur pir caran ji bo ku biçe û Futbola Neymar û tîma Real Madrîd ji nêz ve bibîne bi firokeyê taybet welat bi welat digere! Tişta ku mirov dibîne û dibihîse vîjdanê mirov di tevizîne. Li gel ku ewqas xizanî di Başurê Kurdistan de heye, hinek malbat ku di nav de malbatên pêşmergeyên Şehîd jî hene ji bo ku debara xwe bikin neçarê karên xirab têne kirin, zarokên malbata Barzanî bi dehhezaran dolaran tenê ji bo ku zindî zindî li fitbolê temaşe bikin xerc dikin.
Başe ew çi exlaqe kû hunermend, gelê herî kedkar û zehmet kêş li Hewlêrê di parqê de di bin çadirek rizyayî de jiyan bike, lê “hespên” Arîn Barzanî di nav xweştirîn û pir îmkantirîn “govan” de jiyan bikin? Gelo ew çi keramete ku xwarina taybet ji bo hespên xwe ji Holandayê derbasî herêmê bikê? Gelê te bi salan koçber dibe ji bo ku biçe heman welatî bi ked û karê xwe piçek nan peyda bike.
Lê herê dawî wekî çawa di dîrokê de hatiye nivîsandin û diyarkirin, çawa ku Dehaq her roj 2 kedkaran dikuşt û mêjiyê wan dida marên ser şanê xwe heya ku bixwin lê herî dawî bi destê Kawayê Hesinkar û gelê Kawa hat kuştin, serê wê ji laşê wê cuda kirin. Wê rewşa wan Dehaq û berpirsên Başur jî heman tişt be û di bin lingê Edaleta Gel de werin pelçiqandin.
Siltan RİZGAR
Navenda Lêkolînên Stratejîk A Kurdistanê
