Navenda Ragihandin û Çapemeniyê ya HPG’ê li ser êrîşên dagirkeriyê û berxwedana gerîlayan daxuyaniyek da.
Daxuyaniya HPG’ê wiha ye:
Deweta TC’ê ya mêtinger 23’yê Nîsana 2021’an li ser herêmên Metîna, Avaşîn û Zapê yên Qadên Parastinê yên Medyayê tevgereke berfireh a dagirkirinê dane destpêkirin. Li dijî êrîşên giran hêzên me yên gerîla berxwedaniyeke dîrokî kirine û derbên giran li artêşa TC’ê ya dagirker dane. Agahiyên berfireh ên derheqê berxwedana dîrokî û êrîşan wiha ne;
LI DIJÎ DAGIRKERIYA LI METÎNA BERXWEDANA MEZIN
23’yê Nîsanê saet di navbeyna 18:00-19:00’an de artêşa TC’ê ya dagirker Girê Zendûra daye ber obûsan. Di navbeyna 19:300-20:30’î de Girê Zendûra, Derarê û qada Koordîneyê ji hêla balafirên şer ve, di navbeyna 21:30-01:30’î de ji hêla helîkoptêrên Kobra ve pir zêde hatiye bombekirin. Di navbeyna saet 00:30 û 01:30’î de artêşa TC’ê ya dagirker xwestiye ku bi helîkoptêrên Skorsky leşkeran li Girê Zendûra û Derarê deyne. Hêzên me yên gerîla ev helîkoptêrên ku hewl dan leşkeran li qadê deynin kirine hedefa xwe û kirine ku helîkoptêr ji qadê dûr bikevin. 24’ê Nîsanê saet 05:10’an arteşa TC’ê ya dagirker piştî ku êrîşa hewayî ya giran aniye ser Girê Zendûra leşker daxistine qadê.
Qereqolên artêşa TC’ê ya dagirker ên li ser xeta sînor bi obûs û hawanan Girê Zendûra û qada Derarê bombe zêde bombe kirin.
23’yê Nîsanê saet di navbeyna 21:30 û 00:30’i de zeviyên gundê Beşilî ji hêla balafirên şer ên artêşa TC’ê yên dagirker ve hatine bombekirin.
Di van êrîşên berfireh de hêzên me yên gerîla berxwedaniyeke mezin kirine û ti ziyan nehatiye ser hêzên me.
BALAFIRAN BOMBE LI ZAPÊ BARANDIN
18’ê Nîsana 2021’an artêşa TC’ê ya dagirker bi obûs, hawan û katyûşyayan qadên Çemço, Sîda, Werxelê û Kunişka ên herêma Zapê bombe kirine.
23’yê nîsanê saet 19:00’an qada Qartaş, Geliyê Basya, Geliyê Avaşîn, Tepê Sor, Mamreşo, Mervanos, Arîs-Faris, Şûkê û qada Dola Konfernasê yên herêma Avaşînê ji hêla balafirên şer û obûsan ve hatine bombekirin.
LI DAGIRKERÊN KU XWESTIN LEŞKERAN DANIN MAMREŞOYÊ XISTIN, GELEK LEŞKER HATIN KUŞTIN
Saet li derdora 21:00’an piştî bombebaranê artêşa TC’ê ya dagirker leşker danîne qada Memreşo. Vê gavê hêzên me yên gerîla 2 helîkoptêrên Skorsy ku hewl didan ku leşkeran deynin qadê kirine hedef. Skorsky yên ku derb xwarin ji qadê dûr ketine. Windahiyên dagirkeran çêbûne lê hijmara wan zelal nebûye.
Dagirkerên ku saet 21:00’ê hewl dan ku li qadê bi cih bibin du caran bûne hedefa hêzên me. Di çalakiyê de dagirkerek hatiye cezakirin û gelek dagirker birîndar bûne.
Li dijî dagirkerên ku xwestin bi pêş ve bên gerîlayên me ew xistin bin kontorlê û piştre ji nêzîk ve bibandor li wan dane. Dagirkerên ku windahî dan, qedemeyek paşve xwe vekişandin û pişre danê sibehê xwestin dîsa bi pêş ve bên. Dîsa dagirkerên rastî berxwedana gerîla hatin, ji nêz ve gerîla li wan dan û piştre qedemeyek xwe paşve vekişand. Di şerê qewimî de gelek dagirker hatin cezakirin.
Dîsa li ser mudaxeleya hêzên me helîkopterên Kobra yên qad bombe dikirin, neçar mane ku vekişin.
24’ê Nîsanê di saet derdorî 09:00’an dagirkerên ku dîsa xwestin bi pêş ve bên, hêzên me bi rêbaza çalakiyên sabotajê 2 carî bi bandor li wan dan. Dagirkeriya TC a windahiyên mezin dan, neçar maku hew bi pêş ve bên.
LI ZAPÊ OPERASYONA DAGIRKERIYÊ DESTPÊ KIR
23’yê Nîsanê di saetên şevê de artêşa TC a dagirker li Kinyaniş, Boxaza Nêrwe, Qela Bedewê, Girê Şehîd Mûnzûr ên Zapê dest bi operasyonekê kirin. Di vê operasyona hê jî didome de, agahiyên hatin girtin wê bi raya giştî re bên parvekirin.
HÊZÊN PARASTINA ESMANÎ ÇALAKÎ KIRIN
Hêzên Parastina Esamî ya Şehîd Delal di çarçoveya pêngava ‘Dem dema azadiyê ye’ 23’yê Nîsanê saet 08:45’an de bi wesayîta esamnî bombe li tabûra Çelê ya li navçeya Çelê ya Colemêrgê barandin. Hedefa ku hatibû diyarkirin bi serketî hate armanckirin û çalakî serketî pêk hatiye.”
