AMED – Parlementera ciwan ya HDP’ê Dersîm Dag di derheqê Kongreya ciwanan ya ku 26’ê Kanûnê de pêk hat de Ajansa me Nûçe Ciwan re axivî.
Dersîm Dag diyar kir ku polîsên Tirk ji bo ku ji wan re bibe asteng her tişt kir. Dag got ku polîsan gelek endamên wan di vê pêvajoyê de binçav kir, girt û dest dan li ser pankartên wan. Dersîm Dag diyar kir ku ruxmê ew qas astengiyan jî hezaran ciwan tevlê kongreya wan bûn û ciwan xwediyê HDP’ê derketin û diruşmeyên Rêberê Gelan avêtin.
Tecrîta ku li Îmraliyê pêk tê di Şexsê Rêberê Gelan de li ser civakê tê pêkanîn. Ciwanan tim û tim siloganên li dijî tecrîdê avêtin. Û bi vê ve xwediyê girtiyên zindanan de jî derketin.
Ciwanan kongreya xwe ya 3. de li hember faşîzma AKP-MHP’ê peyama berxwedanê da. Li ser ciwanan şerê taybet tê pêk anîn. Taybet ev tişt li ser jinên ciwan taybet tên pêkanîn. Fuhuş, tiryak û di bin navê Eşqê de dixwazin îradeya jinên ciwan teslîm bigrin.
Herî dawî kampanyaya me ya bi navê ‘Em tiryakê bişkînin û jiyaneke nû ava bikin’ hat lidarxistin. Kampanyayeke ku me polîtîkayên şerê taybet eşkere dikir, li dijî polîtîkayên şerê taybet me banga têkoşînê dikir. Bi rastî jî me di çarçoveya vê kampanyayê de xwe gihand bi dehan jinên ciwan û em dikarin bibêjin ku xweparastina jinên ciwan li hemberî polîtîkayên şerê taybet û hişyarkirina wan dest pê kir. Bi polîtîkayên şerê taybet re, tê xwestin ku îradeya jinên ciwan were radestkirin. Di şexsê jinên ciwan de hewl tê dayîn civak bê xerakirin. Lê li hemberî van hemû polîtîkayên şerê taybet jinên ciwan rastî peyama berxwedanê dan.
Ciwanan careke din dît ku nêzîkatiya dewlet û hikûmet ciwanan bi kampanyaya “Em tiryakê bişkînin û jiyaneke nû ava bikin” çawa ye. Di vê wateyê de kampanya me kongreya me xurtir kir. Pêvajoya kampanyaya me dê di demên pêş de jî berdewam bike. Xebatên me yên kampanyayê jî dê bidomin. Em ê têkiliya xwe bi ciwanan re bidomînin, gund bi gund, kuçe bi kuçe bigerin, civîn, komxebat, çalakiyên feraset û hişyarkirinê li dar bixin.
Tişta ku dewletê ji Komploya 9’ê Cotmehê û vir ve xwest bike ew e ku gelê Kurd Rêberê xwe bide ji bîrkirin û têkoşîna azadiya Kurd tasfiye bike. Di van salên dawî de tecrîdek kûrtir dibe. Tecrîdeke mutleq tê kirin. Ev tecrîd weke berdewamiya komployê tê pêşxistin. Di rastiyê de armanc tasfiyekirina têkoşîna azadiya Kurd e, gelê Kurd Rêberê Gelê Kurd ji bîr bike. Lê ciwanan di kongreyê de li ser Rêberê Gelê Kurd gelek slogan avêtin.
Kongreya me di bin êrîşên dijwar de pêk hat, lê tevî vê yekê jî bi coşeke mezin hat lidarxistin. heyecaneke mezin hebû. Vê yekê nîşan da ku ciwan di têkoşînê de çiqasî israr in û peyama berxwedanê dan. Helbet bi coşa ku me ji kongreyê girt, em ê di pêvajoyên jêrîn de jî li kolanan bin, dengê xwe bilind bikin û têkoşîna xwe mezin bikin. Em di sala 2021’an de her dem li kolanan bûn, me dengê xwe bilind kir. Lê di sala 2022’an de em ê bibin salek ku em ê rêxistinbûn û têkoşîna xwe berfireh bikin û bi serketî biqedînin. Bi coşa ku me ji kongreyê girt, bi hêza ku me ji kongreyê girt, bi hişmendî û hişmendiya ku bi mîlyonan ciwan bi me re dimeşin û bi moralê ku bi xwe re tîne, em ê sala 2022’an bikin salek ku em ê tê de mezin bibin. Bi rêxistinbûyîn, têkoşîna me mezin bikin û vê têkoşînê bi serkeftinê tacîdar bikin.