STRASBÛRG – Meşa dirêj a aktîvîstên Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ku di çarçoveya kampanya ‘Werin Cenga Azadiyê’ de ji bo azadiya Rêberê Gelan Abdullah Ocalan lidarxistinî, li Navenda Civaka Kurd a Strasboûrgê di roja 6. de bi dawî bû.
Meşvan wê sibê bi koma enternasyonal ya tê Elmanyayê re bibin yek û meşeke navendî organîze bikin.
Koma bi pêşengiya TCŞ û TekoJIN’ê di 6’ê Sibatê de ji bajarê Sîerentz ê Fransayê dest bi meşê kirin. Li gel hemû şert û mercên hewayê yên xirab û car caran jî hewldanên provokasyonê jî ciwan bi biryardarî meşiyan.
Ciwanên ku li bajaroka Ersteîn di roja pêncemîn a meşê de şiyar bûn, danê sibehê li navenda bajêr li hev civiyan û bi dirûşmeyan dest bi meşê kirin.
Qonaxa meşê ya roja şeşemîn qonaxa herî kurt bû. Ciwanan îro bi giştî 12 km meşiyan û çalakiya xwe li ber Navenda Civaka Kurd a li navenda Strasboûrgê bi dawî kirin.
EM BI BIRYAR MEŞIYAN, TÊKOŞÎNA ME DIDOME
Ciwanan bi fîşekên hewayî li kolana nêzî Navenda Civaka Kurd pîrozbahî kirin û diyar kirin ku çalakiya wan bi awayekî serkeftî bi dawî bûye.
Li ser navê meşvanan Çiyager Serhat axivî û got, “Azadiya Rêber Apo azadiya Kurdistanê ye. Azadiya Rêber Apo azadiya hemû gelan e. Em 6 rojan bi biryar meşiyan, têkoşîna me didome, wê bidome jî. Heta azadiya fîzîkî ya Rêbertiya me pêk were wê bidome.”
Nûnerên rêxistinên ciwanan wê sibe bi koma enternasyonalîst a ji Elmanyayê tê tevlî çalakiya navendî ya ku wê li Strasboûrgê bê lidarxistin bibin.