QAMIŞLO – Tevgera Ciwanên Şoreşger û Yekîtiya Jinên Ciwan ên Rojavayê Kurdistanê û tevahî Bakur-Rojhilatê Sûriyê, di 30’ê Gulanê de li dijî êrîşên dagirkeriyê yên dewleta Tirk a dagirker û hevkarê wê PDK’ê, ku ji 17’ê Nîsanê de li ser Herêmên Parastina Medyayê dane destpêkirin, li ser bingeha bersiva banga seferberiyê ya ku Komalên Ciwan ragihandî, wê meşeke dirêj li darbixin.
Ciwan û jinên ciwan wê di bin dirûşmeya “LI DIJÎ DAGIRKERÎ Û ÎXANETÊ, WERIN CENGA AZADIYÊ”, meşeke dirêj li darbixin, ji bo tevlîbûna meşê ciwan û jinên ciwan bang li tevahî gel û ciwanên welatparêz dikin ku ew jî cihê xwe di nava vê çalakiyê de bigirin.
Li ser vê bingehê ciwanên Meclîsa Sûriya Demoqratîk (Ciwanên MSD’ê) daxuyaniyek dan û di daxuyaniyê de bal kişandin ser êrîşên dagirkeriyê yên dewleta Tirk ku bi hevkariya hêza NATO’yê û PDK’ê tê kirin, li dijî van êrîşên ku tên kirin, bang li tevahî ciwanan kirin ku, li hember dagirkeriyê bibin xwedî helwest û cihê xwe di nava çalakiyan de bigirin.
Daxuyanî bi tevahî wiha ye;
Di nav guhartinên ku li ser asta cîhanê çêdibe, şer, alozî û her şêwazên nekok. Bandora herî zêde yê Sûriyê ye ku bûye qada ku hemî hêzên herêmî û navdewletî tê de şerê berjewendiyan pêktînin ku parastina xwe dikin, bi riya qirkirina gelan. Îro jî piştî derbasbûyîna zêdetirî 10 Salan ji şoreşê wan hêzan alîkariya hevkarê xwe Tirkiye kirin ku ev pevçûn hîn xortir bike. Bi rêvekirina dagirkirina xaka sûrî jê wan Efrîn, Serêkaniyê ,Girê Spî û gelek herêmên din yên Sûriyê. Bi vê rengî dewleta Tirk a dagirker gelek rêbaz bikaranî, ku mafên mirovan li wan herêman têk bibe.
Her wisa hewaldana xwe kir ku herêmên cuda jî dagir bike, niha jî ragihandina xwe jî bikartînin û propaganda dike ku wê hemleyek nû dest pêbike. Hinceta parastina ewlehiya xwe ya hindirîn, ji aliyek din jî, her di nav diyalogê bi dewletan re ye. Ji bo mijara koçberan ku dixwaze wan vegerîne herêmê qaşo bi ewle yên ku ew dagir kiriye, wekî ku, her kes dizane ew herêmên qaşo bi ewle tenê kuştin, dizî binpêkirina mafê mirovan tê de tê kirin. Tirkiyê bi şerê xwe, dixwaze armanca xwe ya ku qirkirina hemî hêzên ku ji bo mirovahiyê tekoşîn dikin tune bike.
Di heman demê de êrîşî Herêmên Parastina Medyayê kirin, ev êrîşên ku ji 50’î sal şûn ve ranewestiye bê ku karibe vîn û îraqeya gelên azadîxwaz û demokratîxwaz bişkîne, dewam bike. Îro û ji vir em van êrîşan lenet û şermazar dikin û ji gelê xwe daxwaz dikin ku li derdora hêzên xwe yê ku bê dudilî li hemberî mezintirîn dewletên
faşîst, li berxwe didin bibin mertal. Ji bo em nameya xwe li dijî faşîzm û xiyanetê bikin yek, li hemberî her kesî ku hewil dide welatê me dagir bike, em bang li hemû gel û ciwanên xwe dikin ku tevlî meşa dirêj ya ciwanan ku ji 30’ê Gulanê de li herêma Cizîrê were destpêkirin bibin. Ji bo em dengê ciwantiya xwe bikin yek û piştgiriya hêza xwe bikin.
