BEHDÎNAN – Navenda Ragihandin û Çapemeniyê ya HPG’ê li ser êrişên dagirkeriyê yên dewleta Tirk û çalakiyên gerîla daxuyaniyeke nû da.
Di daxuyaniyê de hate gotin, “Di encama çalakiyên hêzên me de 18 dagirker hatin cezakirin û derb li helîkopterekê hate xistin. Dagirkeran jî 18 caran bi çekên kîmyewî, dûyê bi jehr û teqemeniyan bombe li tunel û çeperên şer barandin. Qadên berxwedanê 17 caran bi balafirên şer, bi dehan caran jî bi obusan hatin bombekirin.”
Di daxuyaniyê de ev agahî hatin parvekirin:
“Li herêma Avaşînê;
4’ê Hezîranê saet di 12:30 û 14:00 de li Qada Berxwedanê ya Werxelê bi çekên giran derb li dagirkeran hate xistin.
5’ê Hezîranê saet di 11:50’î de bi çekên ferdî li dagirkrean hate xistin ku dixwestin li derdora tunelên şer ên li Qada Berxwedanê ya Werxelê bi cih bibin.
Li herêma Metînayê;
Li Qada Berxwedanê ya Girê Hakkarî, hêzên me 3’ê Hezîranê sate di 14:45’an, 4’ê Hezîranê saet di 12:55’an û 5’ê Hezîranê jî saet di 12:05 û 13:05 de bi sûîqestê li dagirkeran xistin. Di encama çalakiyan de 4 dagirker hatin cezakirin.
5’ê Hezîranê saet di 19:00 de li Qada Berxwedanê ya Girê Hakkarî derb li dagirkerên li dora çeperên şer ên li Şehîd Zemanî hate xistin.
5’ê Hezîranê saet di 19:50’î de li Qada Berxwedanê ya Girê Hakkarî derb li dagirkerên li dora çeperên şer ên li Şehîd Akîf hate xistin.
5’ê Hezîranê saet di navbera 17:00-18:00 de li dagirkerên li Qada Berxwedanê ya Girê Cûdî hate xistin.
5’ê Hezîranê saet di navbera 22:00-24:00 de li Qada Berxwedanê ya Girê Cûdî derb li helîkoptera Skorsky hate xistin ku hewl dida dagirkeran li qadê deyne. Helîkoptera ku derba giran xwar, bêyî ku karibe dagirkeran deyne neçar ma ji qadê biçe.
5’ê Hezîranê saet di 10:20’î de li Qada Berxwedanê ya Girê FM bi hemwextî bi sûîqestê li dagirkeran hate xistin. Di encamê de 5 dagirker hatin cezakirin, dagirker neçar man bi astekê xwe vekişînin. Saet di 12:00 de dagirkerên ku ji bo wergirtina cenazeyên xwe hatin careke din bûn hedefa hêzên me û 3 dagirkerên din hatin cezakirin. Cenazeyên dagirkerên hatin cezakirin heta êvarê li qada di bin kontrola hêzên me de man.
5’ê Hezîranê saet di 19:20’î de li Qada Berxwedanê ya Girê FM bi çekên ferdî û nîv otomatîk li dagirkeran hate xistin. Di vê çalakiya hêzên me yên YJA Starê de 3 dagirker hatin cezakirin.
Li herêma Zapê;
5’ê Hezîranê saet di 18:00 de li Qada Berxwedanê ya Şikefta Birîndara bi çekên ferdî li dagirkeran hate xistin ku hewl didan xwe nêzî tunelên şer bikin. Piştî vê destwerdanê dagirker neçar man bi astekê xwe vekişînin.
5’ê Hezîranê saet di 16:20’î de li dijî dagirkerên dixwestin li Qada Berxwedanê ya Karker bi cih bibin bi çekên nîv otomatîk çalakî hate lidarxistin.
5’ê Hezîranê saet di 19:45’an de li Qada Berxwedanê ya Werxelê bi çekên giran li wan dagirkeran hate xistin ku agir li pêşiya tunelên şer vêdixist.
5’ê Hezîranê saet di 23:20’î de, 6’ê Hezîranê saet di 03:15’an û 04:50’î de li Qada Berxwedanê ya Karker bi sûîqestê li dagirkeran hate xistin. Di vê çalakiya hêzên me yên YJA Starê de 3 dagirker hatin cezakirin.
6’ê Hezîranê saet di 06:20’î de li dijî dagirkerên li Qada Berxwedanê ya Karker bi çekên ferdî û nîv otomatîk çalakî hate lidarxistin.
Êrişên artêşa Tirk a dagirker ên bi çekên kîmyewî û teqemeniyan;
5’ê Hezîranê çeperên şer ên li Qada Berxwedanê ya Girê Hakkarî bi teqemeniyan hate bombekirin.
5’ê Hezîranê saet di 19:45’an de dagirkeran li pêşiya tunelên şer ên li Qada Berxwedanê ya Werxelê lastîkên wesayitan şewitandin û hewl dan berê wan bidin tunelan. Ev êrişa bi dûyê bi jehr hate kirin heta saet 21:00 dewam kir.
5’ê Hezîranê li Qadên Berxwedanê yên Şikefta Birîndara û Karker 7 caran bi çekên kîmyewî û teqemeniyan bombe li tunelên şer hatin barandin.
5’ê Hezîranê serê sibehê li Qada Berxwedanê ya Çiyareş, tunelên şer ên li Girê Cehennemê carekê bi teqemeniyan hate bombekirin.
Êrişên artêşa Tirk a dagirker ên bi obus, helîkopterên êrişê û balafirên şer;
4 û 5’ê Hezîranê qadên Çemço, Tabûra Ereban û Werxelê ji aliyê qereqolên li ser sînor ve bi obusan hatin bombekirin.
5’ê Hezîranê qadên Girê FM, Çiyareş û Girê Rûbar bi helîkopterên şer 7 caran hatin bombekirin.
5 û 6’ê Hezîranê qadên Girê Cûdî, Çemço, Werxelê, Saca û Ava Zapê bi balafirên şer 10 caran hatin bombekirin.”
