NAVENDA NÛÇEYAN – Têkoşîna Azadiyê ya Kurd, bi qasî ku bandorê li ciwanên Kurdistanê dike, di heman astê de bandorê li hemû ciwanên şoreşger ên li gelemperiya cîhanê dike. Roj bi roj ji neteweyên cuda mirov tevlî nava refên PKK’ê dibin. Yek ji wan jî gerîlayê HPG’ê Şiyar Gabar ê Elman e. Şehîd Şiyar Gabar ku ji ANF’ê re di dema tevlîbûna xwe de roprtaj daye, di axaftina xwe de diyar kir ku rêya rizgariya mirovahiyê bi têkoşîna azadiyê ya PKK’ê dibîne û ji bo bibe parçeyek ji vê hêviya rizgariyê, tevlî nava refên gerîla bûye.
‘MIN NIKARÎBÛ NEHEQIYA LI CÎHANÊ QEBÛL BIKIRA’
Gerîla da zanîn, ku ew di nava tevgera çep a Elman de bû û got, “Ez timî di nava lêgerînekê de bûm. Ji ber ku ez bi rewşa heyî têr nedibûm. Li kîjan aliyê cîhanê tevgereke şoreşger heye, min lêkolîn dikir. Di encama lêkolînên xwe de min Şoreşa Rojava dît û vê şoreşê gelekî bandor li min kir. Bi rêya vê yekê min PKK nas kir. Û biryar da bibim parçeyek ji şoreşê. Hê di emrê ciwantiyê de têkildarî sîstemê nakokî di hişê min de hebûn. Dema min li derdora xwe dinêhirî, dît ku jiyaneke bê wate tê jiyîn. Sîstemê civakek mîna robostan afirandibû. Naveroka jiyanê li ser kirîn û firotina madeyê hatibû avakirin. Jiyanek ji manewiyatê dûr, hebû. Û min jiyaneke bi vî rengî qebûl nekir. Min nikarîbû neheqiya li cîhanê qebûl bikira. Nikarîbûm di nava sîstema heyî de bijiya û li dijî vê yekê min dest bi lêgerînê kir.”
‘PKK’Ê BERSIV DA LÊGERÎNÊN MIN’
Gabar destnîşan kir, ku piştî demekê tevgera çep a Elman di pratîkê de lawaz ma û axaftina xwe wiha dewam kir: “Tevî ku di gotinê de sosyalîst xuya dikin jî, nikarin şert û mercên şoreşê bafirînin. Dibe ku hin hewldanên şexsî hebûn, lê belê ji bo têkbirina sîstema kapîtalîst têrê nedikir. Hêza xwe têrê nedikir ku bersivê bide neheqî û hêzên desthilatdar. Min jî dixwest teorî û pratîka min yek be. Ev jî bû sedem ku bikevin nava lêgerînên cuda. Ji ber ku diviyabû mirov sosyalîzmê têkoşîn bihata meşandin. Ji bo cîhaneke nû, ji bo azadiyeke watedar lêgerînên min hebûn. Di encama van lêgerînan de min PKK nas kir. Û PKK bû yekane tevgera bersivê dide lêgerînên min. Aliyê PKK’ê yê herî zêde bandor li min kir, yekbûna teorî û pratîka xwe ye. Eger wê jiyaneke wekhev, azad û alternatîf were afirandin, divê teorî û pratîk yek bin. Rewşa gerîlayên PKK’ê ku ji bo bibe hêviya gelan xwe feda dikin û cesareta wan a di vê rêyê de gelekî bandor li min kir.”
‘LI ÇIYAYÊN KURDISTANÊ, EZ HÊ BÊHTIR NÊZÎ AZADIYÊ ME’
Gerîla Gabar da zanîn, ku piştî tevlî nava refên PKK’ê bû dest bi xwendina pirtûkên Rêberê Gelê Kurd Abdullah Ocalan kir, van pirtûkan bersiv dan gelek pirsên di hişê wî de û got, “Her ku ez ji Rêbertî hînî felsefeya PKK’ê bûm, min xwe, malbata xwe, civaka di nav de baştir analîz kir û vê yekê min kêfxweş kir. Mîna zarokekî nû çavên xwe li cîhanê vedike. Ji ber ku min berê nikarîbû sîstema desthilatdar analîz bike.”
Gabar da xuyakirin, ku ew li çiyayên Kurdistanê xwe hê bêhtir nêzî azadiyê dibîne û got, “Min li vê derê jiyana azad û watedar, hîs kir.