NAVENDA NÛÇEYAN – Tevî kû navenda çapameniya HPG her roj belgeyan suçên şerê leşkeran dagirkera tirk û her roj bi raporan xwe reya giştî li ser rewşa serê ku di heremen parastina medya tê meşandin parve dike. Heya îro reflexên xort di nava gel na hatiye nişan dan. Ji ber we dewleta dargirkera tirk heya îro bi suçen şer bi kar anîna çekên kimyawî didomine.
Di dema dawiyê de navenda çapameniya HPG nasnameya 11 Gerîla parvê kiribû kû ji ber bi kar anîna çekên kimyawî û bombeyan qedexekirî di 5’ê mijdarê di sala 2022 di heremên berxwedane di nava tunelan Şehîd Xursî şehîd ketin.
HPG bi wî awahî nirxandin kir: “Artêşa Tirk a qirker mêtinger ji bo karibe planên dagirkeriyê teqez bi cih bîne, her cûre sûcên şer danî ber xwe û ev êrîşên xwe derbasî qonaxeke nû kir, di sala 2021’ê de bi taybetî jî di sala 2022’an de li dijî hêzên me bi rêk û pêk çekên kîmyewî û bombeyên qedexekirî bi kar anî. Çekên kîmyewî û bombeyên qedexekirî li ser tunelên şer bi kar anî, bi kepçeyên zirxî hewl da tunelên şer hilweşîne û qirkirineke komî pêk bîne. Ev sûcên şer ên artêşa Tirk ji aliyê hêzên me ve gelek caran hate belgekirin û pêşkêşî raya giştî hate kirin. Tevî ku dîmenên li tunelên şer ên Werxelê hatin weşandin û ji aliyê raya giştî ve hate temaşekirin, ne cihê gumanê bû, dengekî xurt li dijî vê yekê nehate bilindkirin û ev yek jî bû sedem ku ev êrîşên li dijî mirovahiyê dewam bikin.”
Ajansa me ya Nûçe Ciwan bi dosyayeke wan 11 Gerîla bi bîr tinê. Şehîd Hevî Welat yek ji wan hevalan kû bi awahiyeke qeremantî li hember dargirkeran tirk şer kiribû û ji ber hovitiya arteşa Tirk de şehîd ketibû.
Hevrêyê me Sefkan li Îdîrê di malbateke welatparêz a bi kevneşopiya xwe ve girêdayî ji dayik bû û mezin bû. Hevrêyê me Sefkan ê ku şahidê polîtîkayên înkar û qirkirinê yên dewleta Tirk ên li Kurdistanê û metropolên Tirkiyeyê li dijî gelê Kurd bû, li dijî van polîtîkayan ket nava lêgerîna têkoşînê. Hevrê Sefkan firsend dît ku felsefeya Rêbertiyê ji nêz ve nas bike, ji vê derfetê sûd wergirt û xwe di felsefeya Rêbertiyê de kûr kir. Hevrê Sefkan mîrateya têkoşînê ya ji malbata xwe wergirtiye, di qada siyasî de berdewam kir û felsefeya Rêbertiya xwe kûrtir kir, bi awayekî aktîftir beşdarî xebatan bû. Hevrê Sefkan ê ku her kûtir bû hîn bêhtir dixebitî, bi enerjiya bêdawî xwe birêxistin dike û ji bo hişyarkirina gelê me kedeke mezin dide, pê hesiya ku piştî demekê bi asta zanîn û têgihiştina ku bi dest xistiye dikare xebatên cuda bike. Hevrê Sefkan ê ku bi têkoşîna xwe ya bibandor bû armanca dagirkeran du salan di girtîgeha dewleta Tirk de hat girtin. Girtîgehên ku dewleta Tirk a faşîst weke amûra êşkenceyê û dûrxistina ji têkoşîna gelê Kurd bikartîne, veguherand qada perwerdehiyê. Hevrê Sefkan ê ku divê demê de bi lêhûrbûnên xwe hîn kûrtir bû, ferq kir ku bersiva herî mezin a li hemberî polîtîkayên tirsê yên dijmin mezinkirina têkoşînê ye û di wê demê de biryar da ku tevli gerîla bibe. Hevrê Sefkan di şert û mercên girtîgehê de bi hevrêyên xwe re di asta hişmendiyê de kûrbûnek afirand û piştî ku ji girtîgehê derket berê xwe da çiyayên azad ên Kurdistanê.
Pratîka yekemîn a hevrê Sefkan qada Zapê bû, ku yek ji qadên herî dijwar ên gerîlatiyê ye, bi bawerî, îrade û vîna xwe re, tevî xaka asê û şert û mercên operasyonê, di adaptekirina hevrêyên xwe re û jiyana gerîla de tu zehmetî nekişand. Hevrêyê me Sefkan ê ku heta dawî di tevlêbûna çalak a jiyan û şer de bi biryariya xwe diparast, bi vê taybetmendiya xwe di nava hevrêyên xwe de dihat hezkirin. Hevrêyê me Sefkan ê ku konsepta xwe ya îdeolojîk û perwerdehiya ferdî berdewam kir, li kêleka xebatên xwe yên pratîkî yên giran, ji bo hemû hevrêyên xwe yên di heman qadê de bû mînak.
Li dijî operasyonên dagirkeriyê yên dewleta Tirk a faşîst ku 14’ê Nîsanê dan destpêkirin, di nava çalakiyên berfireh de bû, di heman demê de tecrûbeyên xwe yên jiyanî û leşkerî jî bi hevrêyên xwe yên ciwan re parve dikir. Hevrêyê me Sefkan ku di gelek çalakiyan de yên ku derbên giran li dagirkeran hate xistin û di çeperên şer de yên ku dijmin asê kir, bi roleke girîng rabû. Hevrêyê me Sefkan bi berxwedana xwe ya li çeperên berxwedanê yên Şehîd Xursî re têkoşîna xwe gihand asta herî bilind. Li dijî êrîşên nemerdane yên dijmin bi tevlîbûna xwe ya bi moral hêz da hevrêyên xwe, bû mînakeke mezin a jiyan û daîmîkirina berxwedanê. Em ê têkoşîna azadiyê ya ku hevrêyê me Sefkan bi bawerî û biryardarî meşand, di şexsê wî de bi hişmendiya ku hêjayî şehîdan hemûyan bibin, bi serketinê tacîdar bikin.”