ŞAREZUR – Bi armanca bîranîna Şehîd Zîlan (Zeynep Kinacî) û şehîdên Têkoşiya Azadiya Kurdistanê semînerek ji bo xelkê Şarezûr û Derbendîxanê hat lidarxistin û tê de li ser jiyan şehîd sînevîzyonek hat nişandan. Îro li salona Lîza Cafe ya Derbendîxanê bi boneya 30’ê Hezîranê roja şehadeta Şehîd Zîlan (Zeynep Kinacî), Rêkxistina Jinên Azadîxwazên Kurdistanê (RJAK) û Gencanî Welatparêz semînerek li ser jiyan û têkoşîna Şehîd Zîlan lidar xist û di semînerê de sînevîzyonek têkildarî jiyana wê hate nişandan.
Semînerê bi deqîqeyek rêzgirtinê ji bo giyanê pak û pîroz yê tevayê şehîdên Têkoşîna Azadiya Kurdistanê, destpê kir. Beşdarvanên semînerê têkildarî jiyan, kesayet û têkoşîna Şehîd Zîlan hest û nêrînên xwe anîn ziman û gotin; “Bîranîna Şehîd Zîlan, erkekê exlaqî û netewî ye. Ji ber ku Şehîd Zîlan peyamek mezin û bihêz da dijminên gelê me. Piştî çalakiya dîrokî ya Şehîd Zîlan liv û tevgerek bê hempa di bizava Têkoşîna Azadiya Gelê Kurdistanê de, bi taybetî jî di tevgera azadiya jinê de çêbû. Lewra heta qehreman, pêşeng, fedayiyên weke Şehîd Zîlan hebin, wê xebat û têkoşîna azadiyê ya gelê Kurd bidome.”
