NAVENDA NUÇEYAN – Înîsiyatîfa xwendekarên ji qursên cuda yên zanîngehê, ji bajarên cuda yên Brezîlyayê, bi gelê Kurd re însiyatîfeke nû ya lêkolîn û hevgirtinê dan destpêkirin.
Di daxuyaniyê de wiha hat gotin:
“Em NUPIEC – Navenda Lêkolînên Navdîsîplînî di Lêkolînên Kurdî de, komek lêkolînê ne, ku bingeha xwe li Bernameya Postgraduate ya Hiqûqê li PUC Minas û di bin koordînasyona Prof. José Luiz Quadros de digre.
Em balê dikişînin ser lêkolînên ku di çarçoveya Pirsa Kurdî de hatine çêkirin, bi taybetî yên ku li ser herêma Rojavayê Kurdistanê (Rojava) ji sala 2012’an ve hatine çêkirin. Rojava (bi kurmancî rojava – yek ji zimanên ku li herêmê tê axaftin) xaka ku li bakur û rojhilatê Sûriyê ye û ji sala 2012’an ve gelê Kurd bi berxwedana rêxistinkirî, xweseriya demokratîk di sîstema şaredariyên konfederal de (bi sîstema Konfederalîzma Demokratîk birêxistinkirî) bi navê Rêveberiya Xweser a Bakur û Rojhilatê Sûriyê ava kir.
Têgîn û çerçoveyên ku li vir têne kifşkirin, sînorên lêkolîna akademîk dişoxilînin, ji ber vê yekê nêzîkatiyek taybetî û navdîsîplînî pêwîste ku em karibin vê diyardeya dîrokî, siyasî û civakî fam bikin.
Bi vî rengî NUPIEC derdikeve holê, ku balê dikişîne ser rêgezek navdîsîplînî, têkilî û akademîkî ya rast, da ku mirovên ji çar aliyê Brezîlyayê yên ku lêkolînên xwe yên li ser mijarê pêk tînin bînin cem hev.
Em îro di encama pêvajoyeke rêxistinî ya ku ev çend meh in diqewime, xwe bi raya giştî re nîşan didin. Di logoya xwe ya ku ji hêla gelek destan û dengan ve hatî çêkirin de, em hin hêmanên taybetî yên ku lihevhatî ne, tînin.
Tava avabûnê tê wateya Rojavayê Kurdistanê, ango Rojava bi Kurmancî, ku bi rastî tê wateya rojavabûnê. Stêrka sor, berxwedana gelê Kurd a di sedsala 20. de, bi giranî ji aliyê PKK’ê (Partiya Karkerên Kurdistanê) ve hatiye organîzekirin, ji bo derketina xaka xweser a Rojava bingehîn e. Harmal, giyayek ku xwecihiya Derya Spî ye û li Rojava pir belav e, xwedî sembolîzma dualî ye: di navbera jiyanê (bi wateya berfireh a têgînê) û nasnameya jinê de têkiliyek xurt heye: jin, bi kurmancî jin, koka peyvê ya jiyan, yan jîyan tê.
Emê ji bo we yên ku bi xebata me re eleqedar in, her yekê, û gelek agahdariya din rave bikin û vebêjin! Ji ber vê yekê, da ku hûn tiştek ji bîr nekin, me bişopînin û çavê xwe bidin tiştên ku li vir tên.”