BEHDÎNAN – Navenda Ragihandin û Çapemeniyê ya HPG’ê bîlançoya Şerê meha Mijdara Sala 2023 bi daxûyaniekê niviskî weşandin kir. Ev bîlanço di 1’ê Mijdarê heya 30’ê Mijdarê hemû çalakiyên hêzen Gerîla ya HPG û YJA Star û encamên we bi nav dike û giştî êrîşên dewleta tirk a dagirker behijmerê.
Di daxûyaniya navenda Ragihandin û Çapemeniyê ya HPG hatiyê diyar kirin ku “Gerîlayên Azadiyê yên Kurdistanê tevî hemû êrîşên dijmin jî xwe û çeperên xwe parast, bi îradeya xwe ya xurt û ruhê fedaî yê Apoyî destanên berxwedanê nivîsand.”
Daxuyaniya navenda Ragihandin û Çapemeniyê ya HPG’ê bi wî rengî ye:
“Têkoşîna Gerîlayên Azadiyê yên Kurdistanê ya li Bakurê Kurdistanê û Herêmên Parastinê yên Medyayê ya li dijî êrîşên qirkirinê bênavber dewam dike. Hêzên gerîla yên fedaî ku bi hêza ji îdeolojiya Apoyî werdigirin aqil, dil û îradeya xwe xurt dikin, di nava şert û mercên herî giran de hewl didin bi rola xwe rabin. Di Şerê Gel ê Şoreşgerî de mîsyona xwe ya pêşengiyê ji bo karibe her kêliyê û li her derê bi cih bîne, fedakariyeke mezin bêteredût dikin û bi wêrekî û ruhê fedaî yê Apoyî xwedî li wezîfeyên xwe yên şoreşgerî derdikevin.
Artêşa Tirk a dagirker di meha Mijdarê de li Bakurê Kurdistanê û Herêmên Parastinê yên Medyayê ji bejahî û hewayî ve êrîşên li ser hêzên me dewam kir. Artêşa dagirker hemû derfetên xwe, teknîka şer a serdemê, bombeyên qedexekirî û çekên kîmyewî li dijî hêzên me bi kar anî, li Bakurê Kurdistanê bi hezaran operasyon kir û tevî vê yekê negihîşt armanca xwe. Li Herêmênw Parastinê yên Medyayê di çeperên şer û tunelan de li hemberî hêzên me yên berxwedêr sûcên şer kir, êrîşên hovane bi rengekî bêperwa dewam kir, ji xeta Kurd a xiyanet û nokeriyê heta dawiyê piştgirî wergirt, lê dîsa jî bê encam ma.
Gerîlayên Azadiyê yên Kurdistanê tevî hemû êrîşên dijmin jî xwe û çeperên xwe parast, bi îradeya xwe ya xurt û ruhê fedaî yê Apoyî destanên berxwedanê nivîsand. Bi helwesteke ku tawîzê ji dilsoziya bi xeta şehîdan, rêbaza jiyanê û îdeolojiya Apoyî nadin, têkoşîna Şerê Gel ê Şoreşgerî mezin kir. Di meha damezrînerê ya partiya me PKK’ê de performansa şer bilind kir û bi operasyonên şoreşgerî û çalakiyên bi bandor salvegera damezrandinê ya 45’emîn pêşwazî kir. Bi taybetî Operasyona Şoreşgerî ya Şehîd Leyla Sorxwîn Amed a li Metînayê di şeva salvegera damezrandina partiya me de pêk hat ku çalakiyeke di cih de û bi wate bû. Gerîlayên Azadiyê yên Kurdistanê bi rêbaza şerê tîm ê pispor ê xwe dispêre tunelan, çeperan û qadê, bi performansa bilind û hostatiya taktîkê derbên giran li artêşa Tirk a dagirker xistin. Dewleta Tirk a mêtinger qirker û medya wê ya şerê taybet, hewl da ku derbên ji gerîla xwar û windahiyên xwe veşêre, lê belê rastiya şerê li çiyayên Kurdistanê bi belgeyan bi gelê me yê welatparêz û raya giştî re hate parvekirin. Careke din hate piştrastkirin ku polîtîkaya dewleta Tirk a qirker mêtinger û rejîma AKP-MHP’ê ya faşîst a israra di şer de, her wiha êrîşên artêşa Tirk ên xwe dispêrin teknîkê nikare encamê bi dest bixe.
Ji pêşengên operasyonên şoreşgerî yên meha Mijdarê hevrêyên me Ciwan Welat (Fatîh Bûlût), Andok Adil (Ramazan Bîlal), Botan Raperîn (Saît Songulalp) û Egîd Kobanêw (Mahmûd Îbrahîm) bi ruhê fedaî bi ser dijmin ve meşiyan, bi lehengî şer kirin û şehîd bûn.
Bîlançoya şerê meha Mijdarê bi vî rengî ye:
ÊRÎŞÊN ARTÊŞA TIRK A DAGIRKER
Êrîşên bi balafirên şer: 140
Êrîşên bi çekên kîmyewî: 124
Êrîşên bi teqemeniyên qedexekirî: 133
Êrîşên bi droneyên bombebarkirî: 103
HEVRÊYÊN ME YÊN ŞEHÎD BÛN
Hevrêyên me yên şehîd bûn: 4
ÇALAKIYÊN GERÎLA
Çalakiyên giştî yên gerîla: 193
Çalakiya kemîndanînê: 1
Çalakiyên sabotajê: 7
Çalakiya gerîla ya koordîneyî
Operasyonên şoreşgerî: 2
Çalakiyên sekvaniyê: 30
Şer û çalakiyên lêdanê: 52
Çalakiyên bi çekên giran: 99
KUŞTIYÊN DIJMIN
Hejmara dagirkerên hatin cezakirin: 124
Dagirkerên birîndar bûn: 1
AMÛRÊN HATIN ÎMHAKIRIN
Wesayita leşkerî ya bi tîpa Reo: 1
Wesayita zirxî yıa bi tîpa Ejder: 1
Drone: 7
Sîstema kamera ya mobesse: 6
Çeper: 20
Kon: 23
AMÛRÊN DERB LI WAN HATE XISTIN
Kepçe: 1
Radar: 1
Çeper: 52
ÇEK Û ALAVÊN LEŞKERÎ YÊN HATIN DESTESERKIRIN
Çeka nîv otomatîk a BKC: 1
Çeka bombeavêj: 1
Çeka MPT-55: 2
Şarjorên çeka MPT-55: 12
Amûra pîvandinê: 1
Dedektor: 1
Dûrbîna çekê: 2
Telefona satalaytê: 1
Telefonên destan: 2
Dûrbîna termal: 1
Powerbank: 2
Kincê ji bo baranê: 4
Mont: 2
Êlekê êrîşê: 1
Çente: 5
Kincê leşkerî: 1
Kask: 1
Çenteyê tenduristiyê: 1
Termos: 1
Lepik: 1
Kêr: 2