PARÎS – Kurdistanî û dostên wan li paytexta Fransa Parîsê ji bo hesabpirsîna ji kujerên pêşenga Tevgera Jinên Kurd Evîn Goyî, Hunermend Mîr Perwer û welatparêz Abdûrrahman Kizil meşeke protestoyî lidar xistin. Bi wesîleya salvegera qetlîamê kesên tevlî meşê bûn, sibehê zû li Navenda Çandê ya Ahmet Kaya ku komkujî lê pêk hatibû û li Gare du Nordê ku cihê destpêka meşê ye, li hev kom bûn.
Şaredariya Herêma 10’emîn a Parîsê jî wêne û pankartên Sakîne Cansiz, Fîdan Dogan û Leyla Şaylemez ku di 9’ê Çileya 2013’an de hatibûn qetilkirin û aktîvîstên sala borî hatin qetilkirin li şaredariyê daliqandin.
Gelek kesên weke Seroka Şaredariya Herêma 10’emîn a Parîsê Alexandra Cordebard, Senatorê Parîsê ê Partiya Sosyalîs Remî Feraûd, Berdevkê Partiya Komunîst a Fransayê û Senatorê Parîsê Lan Brossat, Serokê Komeleya Piştgiriya Fransa û Kurdistanê Pascal Torre, ji Parlamenteriya Parîsê ya Tevgera Kesên ku Serî Natewînin a Fransayê Danîelle Simonneta, ji Parlamentera Partiya Keskan a Parîsê Julîen Bayou û Alîkarê Serokatiya Şaredariya 19’emîn a Parîsê Françoîs Bechîeqû, Serokê Dîwana Kongreya Civakên Demokratîk a Kurdistanê (KCDK-E) Mûrat Ceylan, ji Tevgera Jinên Kurd a Ewropayê Fatoş Goksûngur, Hevserokên Konseya Kurd a Demokratîk a Fransayê Xanê Akdogan û Şahîd Polat, malbatên şehîdan û bi hezaran Kurdistanî beşdarî meşê bûn.
Çapemeniya herêmî û neteweyî ya Fransayê jî meşê dişopîne.
