Bi pêşengiya Yekitiya Jinên Ciwan li Heleb, Hesekê û Kobanê şehîdên Parîsê hatin bîranîn

NAVENDA NÛÇEYAN – Şehîd Sakîne Cansiz (Sara) yek ji damezrînerên PKK’ê, şehîd Fîdan Dogan (Rojbîn) Endama Komîteya Dîplomasî ya KNK’ê û şehîd Leyla Şaylemez (Ronahi) a endama Tevgera Ciwanan a 9’ê Çileya 2013’an Buroya Ragihandinê ya li paytexta Fransa Parîsê hatin qetilkirin. Bi boneya 11’emîn salvegera şehadeta her sê jinên şoreşger li bajarên Heleb, Hesekê û Kobanê ji aliyê endamên Yekitiya Jinên Ciwan (Yekîtiya Jinên Ciwan) û Ciwanên Şoreşger ve çalakiyên birbîranin hat çêkirin. Ciwanan; Diyar kir ku soza wan tolhildana şehîdan e.

HELEB– Endamên Yekitiya Jinên Ciwan û Ciwanên Şoreşger li Taxa Şeyxmaqsûd a Helepê ji bo bîranîna şehîdên 9’ê Çile li Parîsê hatin cem hev. Li rêzgirtina li ber bîranînê, beşdaran ji bo şehîdan mûm pêxistin. Piştre belgefîlma li ser jiyana şehîd Sakîne Cansiz hate temaşekirin û bîranîn bi dirûşmeyên “Şehîd Namirin” bi dawî bû.

Piştî bîranînê ciwan berê xwe dan Goristana Şehîdan a Helebê û li wir mûm danîn ser gorên şehîdan.

 

1 Ji 9

- +

1.

2.

3.

4.

5.

6.

7.

8.

9.

HESEKÊ– Li Hesekê endamên Yekitiya Jinên Ciwan ji bo şehîdên komkujiya Parîsê merasîmek bîranînê li dar xistin.

Endamên Yekitiya Jinên Ciwan li gel Kongra Star, şehîd Sakîne Cansiz, Fîdan Dogan û Leyla Şaylemez ên di 9’ê Çileya 2013’an de li Parîsê hatin qetilkirin, tevî Kongra Star li Dirbesiyê bi bîr anîn. Piştî deqeyeke rêzgirtinê ji bo bîranîna her sê şehîdan mûm hat pêxistin. Di axaftina endama Yekitiya Jinên Ciwan de, wate û girîngiya rojê hat nirxandin û hat diyarkirin ku ew ê di li ser rêyan de bimeşin. Şopa şehîdan e û têkoşîna wan a berxwedanê hembêz bikin.

 

1 Ji 7

- +

1.

2.

3.

4.

5.

6.

7.

KOBANÊ– Endamên Yekitiya Jinên Ciwan duh êvarê li bajarê Kobanê bi boneya 11’emîn salvegera şehîdên 9’ê Çileyê Parîsê, hatin cem hev û meşek meşaleyî li dar xistin. Meş ji nîvê Qada Şehîdan destpê kir û heta qada jina azad berdewam kir. Di meşê de dirûşmên “Şehîd Namirin” û “Jin Jiyan Azadî” hatin qîrîn, jinên ciwan pankarta “Sara Rojbîn Ronahî, Jin Jiyan Azadî Serbixe Azadî” hilgirtin. Di dawiya meşê de li ser navê jinên ciwan Nadya axivî û û diyar kir ku gotinên wî tolhildana şehîdan e. Endama jinên ciwan diyar kir ku ew ê vê komkujiyê ji bîr nekin û nehêlin bê jibîrkirin û got, “Ev komkujî nikare dawî li têkoşîna me bîne. Bi taybet em weke jinên ciwan em ê her tim dengê xwe bilind bikin. Û em soz didin ku xwina şehîdên me ardê namîne”.
Biranin bi sloganan Jin Jiyan Azadî hat bi dawî kirin.

 

1 Ji 7

- +

1.

2.

3.

4.

5.

6.

7.