NAVENDA NÛÇEYAN – Koordînasyona TCŞ (Tevgera Ciwanên Şoreşger) bi daxuyaniyeke nivîskî, li dijî darbeya li dijî îradeya gelê Wanê, ciwanên Kurd, gelê Kurd û dostên wan ênenternasyonalist li dijî desteserkirina îradeyê banga çalakiyan kir.
Daxuyaniya TCŞ’ê wiha ye;
“Di qonaxa duyemîn a Pêngava “Ji Rêber APO re Azadî, Ji Pirsgirêka Kurd re Çareseriya Demokratîk ” de, rejîma şerê taybet a faşîst a AKP-MHP’ê tevî hemû hîle û dolabên xwe, di hilbijartinên herêmî yên 31’ê Adara 2024’an de têkçûneke mezin xwar. Hema bêje li Kurdistan û Tirkiyeyê di nava sindoqên dengdanê de hatin tamartin. Xwest tola vê têkçûna xwe bi awayekî herî bêrûmet hilîne, bi rêya darazê dayîna 2’yemîn namzetê Şaredariya Bajarê Mezin a Wanê û bi zîhniyeta xwe ya darbe îradeya gelê Kurd tasfiye kir.
Li dijî gelê Kurd ku ji bo protestokirina rejîma faşîst a AKP-Mhp a ku bi vê darbeya hilbijartinê re skandaleke nû ya demokrasiyê çêkir û ji bo parastina vîna xwe, li dijî serhildanan li ber xwe da, êrîşên bêexlaqî yên bi çekên lûle dirêj hatin kirin. Em berxwedana gelê xwe yê ji bo Serhildan li ber xwe didin silav dikin, em diyar dikin ku em her tim bi gelê xwe re ne. Em tu carî vê komploya hovane ya ku di şexsê gelê Kurd de tê wateya heqareta li nirxên gerdûnî yên demokratîk qebûl nakin. Li hemberî vê desteserkirina îradeyê û derbeya hilbijartinê, derketina qadan û bilindkirina dengê xwe û hevgirtinê bûye cihê rûmetê.
Bi vê boneyê em bang li ciwanên welatparêz ên Kurdistanê, gelê Kurdistanê, dostên xwe yên navneteweyî û hemû kesên xwedî li nirxên demokratîk derdikevin, bi taybetî jî yên li Ewropayê dijîn, vedixwînin meş û çalakiyên ku li gelek bajaran bi taybet li Hambûrgê, Köln, Stuttgart, Hannover, Parîs, Marsîlya, Bern û Amsterdamê bên lidarxistin, em we vedixwînin tevlêbûnê.”
