BEHDÎNAN- Navenda Ragihandin û Çapemeniyê ya HPG’ê daxuyaniyeke nivîskî weşand û detayên çalakiyan parve kir.
Di daxuyaniyê de hate diyarkirin ku 14 dagirker hatine cezakirin û Pêngava 15’ê Tebaxê ya dîrokî hate silavkirin.
Daxûyanî wiha ye:
“Ji çapemenî û raya giştî re!
Agahiyên li ser çalakî û êrîşên artêşa Tirk a dagirker wiha ne:
1. Herêma Şehîd Delîl Rojavayê Zapê;
5’ê Tebaxê saet 18:00’an de li dijî dagirkerên ku xwestin ber bi tunelên me yên şer ên li herêma Berxwedana Girê Cûdî ve bi pêş ve biçin, bi çekên ferdî mudaxele hatiye kirin.
Dagirkerên ku roja 6’ê Tebaxê saet di 16:45’an de li qada Berxwedana Serdemê ya Girê Cûdî di nava tevgerê de bûn, bi çekên giran hatin gulebarankirin û tevgera dagirkeran hate rawestandin.
6’ê Tebaxê saet 17:15’an de li herêma Berxwedana Girê Cûdî teqemeniyên dagirkeran hatin îmhakirin.
6’ê Tebaxê saet 22:00’an de, dagirkerên ku dixwestin li herêma Berxwedanê ya Girê Cûdî bi pêş ve biçin, bi taktîkeke sabotajê hatin gulebarankirin. Ev çalakî ji aliyê hêzên me yên YJA Starê ve hatiye lidarxistin.
5’ê Tebaxê saet di 08:10’an de, dagirkerên herêma Berxwedana Girê Amediyê bûne hedef û bi çekên giran gulebaran kirin. Ev çalakî ji aliyê hêzên me yên YJA Starê ve hatiye lidarxistin.
5’ê Tebaxê saet 12:00, 12:35, 13:02 û 15:10’an de li herêma Berxwedanê ya Girê Amediyê li dijî dagirkeran bi çekên giran êrîş pêk hatin.
5’ê Tebaxê saet 09:00 û 17:50’an 2 kamerayên Mobesse yên dagirker ên li herêma Berxwedanê ya Girê Baharê bi taktîkeke sûîqestê hatin îmhakirin.
Di 6’ê Tebaxê de yekîneyeke dagirker a li herêma Berxwedana Girê Bahar ji aliyê hêzên me ve hatiye kontrolkirin.
Hêzên me di saet 19:30’an de bi çekên ferdî û navîn ên otomatîk ji nêz ve bi awayekî bandor li dagirkeran xistin. Dema hêzên me lê xistin, cebilxaneya li kêleka dagirkeran teqiya û şewat derket. Dagirkerên ku piştî derbeyên ewil û teqînê bi panîkê li bejahiyê belav bûn jî bûn hedef û bi awayekî bi bandor hatin gulebarankirin. Di vê çalakiya ku hêzên me bi armanca silavkirina Cejna Vejînê ya 15’ê Tebaxê li dar xistine; Fermandarê payebilind ê bi navê Elî jî di nav de 14 dagirker hatin cezakirin û 5 dagirker jî bi giranî birîndar bûn.
Artêşa Tirk a dagirker heta saet 02.30’an bi helîkopterên Skorsky 6 cara daket û kuştî û birîndarên xwe ji qada çalakiyê rakirin.
2. Herêma Metîna;
7’ê Tebaxê saet 07:20’an kamerayeke Mobesse ya dagirkeran a li Herêma Berxwedana Serê Metîna bi taktîka sûîqestê hate îmhakirin.
3. Êrîşên artêşa Tirk a dagirker bi teqemeniyên qedexekirî;
Di 5 û 6’ê Tebaxê de tunelên me yên li herêma Berxwedana Serdemê ya Girê FM 7 caran bi teqemeniyên qedexe hatin bombekirin.
4. Êrîşên artêşa Tirk a dagirker;
Di 4, 5 û 6’ê Tebaxê de herêmên Şehîd Şerîf, Sinînê, Girê Şehîd Hêmin, herêmên Lolan ên herêmên Sêdarê, Girê, Heftebax 17 caran, qada Berxwedana Bêşîlî ya herêma Metîna 5 caran, herêma Girê Bahar a Şehîd Delîl. Herêma Êlihê Zapê 6 caran; Ji aliyê balafirên şer ve bi giştî 32 caran hatiye bombekirin.
5. Artêşa Tirk a dagirker her roj li Kurdistanê sûcê şer dike û teqemenî û çekên kîmyewî yên qedexekirî bikar tîne. Ji bo ku bigihêje armanca xwe ya şikandina berxwedana gerîla û dagirkirina Başûrê Kurdistanê, her cure rêbazên bêexlaqî û derqanûnî bi kar tîne. Her çendî îdia dike ku hedefa wî ya sereke gerîla ye, lê bi hezaran êrîşên dijmirovahî ve hatiye îspatkirin ku dijminê hemû nirxên gelê Kurd û xwezaya Kurdistanê ye. Yek ji sûcên dawî yên artêşa Tirk a dagirker, hilweşandina goristana şêniyên gundê Sêgirêya Jorîn a navçeya Amediyê ya Başûrê Kurdistanê ye.
Artêşa Tirk a dagirker bi piştgiriya PDK’ê di van 3 rojên dawî de hewl dide goristana gundê Sêgirêya Jorîn a li ser koordînatên 38 S LG 71847 06337 hilweşîne û ji bo xwe bike baregeh. ji deriyê sînor ê Serzêrê re derbas kirin û rêyên asfaltkirî yên bajarê Amediyê bikar anîn. Artêş û dewleta Tirk a dagirker bi vê pêkanînê re careke din hemû pîvanên exlaqî, olî û civakî derbas kir û weke durûyekî tam heqaret li nirxên gelê me kir.
