ŞEHBA – Ji rêveberên Tevgera Ciwanên Şoreşger a Sûriyeyê Ronahî Amanos (Hêvîn Hisên) duh (15 Mijdar 2024) di encama krîza dil de li bajarê Qamişloyê yê kantona Cizîrê şehîd bû. Cenazeyê şehîd Ronahî ji bo veşartinê ji Qamişloyê ber bi kantona Efrîn-Şehbayê hatibû oxirkirin.
Bi sedan şêniyên kantona Efrîn-Şehbayê ji bo pêşwazîkirina cenazeyê şehîd Ronahî berê xwe da deriyê têketina bajarokê Ehdasê yê di navbera Şehba û Helebê de. Girse piştî cenaze wergirt ber bi Nexweşxaneya Avrîn a li bajarokê Fafînê ve çû.
Cenazeyê şehîd Ronahî Amanos wê sibe saet di 14.30ˈan de bi merasîmekê li Pakrewangeha Şehîd Zozan Amanos a li bajarokê Fafînê were veşartin.
