Navenda Ragihandin û Çapemeniyê ya HPG’ê diyar kir ku hêzên wan li herêma Besta ya Şirnexê li dijî leşkerên derketibûn operasyonê hin çalakî li dar xistine.
NAVENDA NÛÇEYAN
Navenda Ragihandin û Çapemeniyê ya HPG’ê daxuyaniyeke nivîskî weşand û di daxuyaniyê de ev tişt diyar kir:
“Di 4’ê Mijdarê de artêşa Komara Tirkiyeyê ya dagirker li herêma Bestayê ya Şirnexê operasyonek dabû destpêkirin. Hêzên me jî di çarçoveya pêngava şoreşger a Şehîd Serdem û Şehîd Nûdem de li dijî operasyona dijmin hin çalakî li dar xistine. Di vê çarçoveyê de;
Di 6’ê Mijdarê de saet di 14.00’an de hêzên me li dijî leşkerên dagirker ên li Girê Sevo çalakiyek li dar xistine. Di vê çalakiyê de bi qasî ku hatiye tespîtkirin 2 leşker hatine kuştin.
Di 8’ê Mijdarê de hêzên me li Geliyê Qurta Xanê li helîkopterekê dane ya ku dixwest leşkeran bera nav qadê bide. Vê helîkopterê derbe xwariye û ji qadê vekişiyaye.
Di 12’ê Mijdarê de saet di 11.00’an de hêzên me li Girê Sevo li kozikên dijmin û konên wan dane. Di vê çalakiyê de konek îmha bûye û bi qasî ku hatiye tespîtkirin 8 leşker jî hatiye kuştin.
Ev operasyon a ku bomberdûman lê tê kirin û şerekî giran çêdibe bi piştgiriya yekîneyên veşartî didome. Agahiyên têkildarî operasyonê wê piştre werin ragihandin.
Di 13’ê Mijdarê de artêşa Komara Tirkiyeyê ya dagirker li qadên Deriyê Qacê, Deriyê Heliz û Deriyê Beqa ya Kato Jîrka ya Şirnexê bi balefirên şer û helîkopteran operasyonek daye destpêkirin. Di 16’ê Mijdarê de balefirên şer qada Tehterêş bomberdûman kiriye. Qereqolên li herêmê jî bi hawan û obusan li qadê dane û ev operasyon di 17’ê Mijdarê de bêyî ku encamê werbigire bi paş ve hatiye kişandin.
