Dayika Wensa Şawîş Serokatî digot “Min weke hevalê xwe bibîne ne weke Serokê xwe bila singa te bilind be û bila serê te bilind be tu kî bibîne wî weke hevalê xwe bihesibîne tiştekî ji xwe mezintir nebîne, tu mezinî ji ber ku jin serkêşiyê dike”
DÊRİK- Dayika bi navê Wensa Şawîş di derbarê hevdîtinê ku di salên 80’yi de bi Rêberê Gelan Abdullah Ocalan re kirin, bîranîn xwe yê bi Rêberê Gelan ji me re parvekir.
Dayika Wensa wiha dest bi axaftina xwe kir: “Di miha 11’an sala 88’an de min bi Rêberê Gelan Abdullah Ocalan re hevdîtin kir, di wê demê de hevalên min çûbûn min jî xwest ku ez biçim hevalên xwe bibînim wê demê ez çûm Herêma Bîqa Herêmeke Başûrê Libnanê ye li wir min Serokatî dît, min israrkir ku ez Serokatî bibînim min got ez venagerim heta ku ez wî nebînim ew kiye çima ewqasî gel jê hezdikê û lêdigerin di wê demê de min jî meraq kir ku ez jî Rêber Apo bibînim. Pişt re min Serokatî dît lê zêde derfet nînbûn min zêde pêre nîqaş nekir piştî wê ez vegeriyam.
Di sala 90’yi de ez dîsa çûm gel Serokatî wê demê gel jî zêde hatibû ji ber ku di 15’ê Tabaxê de bû, êdî piştî wê mihekê ez li gel Serokatî mam wê demê Zarokê min jî bi min re bûn, gelek zehmetî hebûn di civakê de jinek bi tena serê xwe diçe ne qebûlkirinek hebû di civakê de, bi taybet di Eşîran de zilma Civakê zêde li ser jinê hebû. Wê demê min ji Serokatî re got ezê êdî li vir jiyan bikim ez nema vedigerim Serokatî bersiv da û got temam bimîne.
“Tu di Civakê de van Sînoran derbasneke tu nikare di şer de jî derbasbike”
piştî wê me perwerdeke Leşgerî bi hevdûre dît, Serokatî herî zêde girîngî dida jin her tim nîqaşên Serokatî li ser jin bû, israr dikir ku jin xwe qebûl bike jin û bi jinbûna xwe bawerbê. Serokatî her tim digot İnsan destpêkê Îrade û piştî wê bawerî ji ber ku heger tu bê îrade be û bê bawerî be tu nikare tiştekî bike, baweriya te hebe û Îrada te xurtbe tê her tiştê xwe derbasbikê tu di civakê de be li kudê be tu dikarê van zehmetiyan derbasbike ji ber ku heger tu di Civakê de van Sînoran derbasneke tu nikare di şer de jî derbasbike ji ber di şer de zehmetiyê wê nîne ê zehmetî Civake, gerek tu li gel Dayikan bi axive bi bawer be çi zilamê li beramber te hebe li gel wan bi axive bê deng nemîne pêwîste tu xwe durneke ji Civakê.
Şawîş di berdewamiya axaftina xwe de wiha anî ziman: “Ev bawerî Serokatî da me Serokatî digot baweriya min heye çi jina heyi bi hêze û çi jina heyi jî îrada wê xurte ji ber ku jina bê îrade nîne. Di 91’yê de em vegeriyan mihekê em gel Serokatî man piştî wê me şand gund û got gundê ku win hernê winê karê xwe bikin di gund de em çûn gund me karkir û xebat di gund de meşand, bû 27’ê miha 11 Salvegera PKK’ê careke din Serokatî em xwestin got bila werin û zarokê xwe jî bînin, em çûn Şamê gel Serokatî em 7 jin bûn di wê demê de em heftiyekê man Serokatî dixwest her tim kombûnê çêke piranî bi Zarokan re mijûl dibû bi wan re dilîst, dibirin meşê, diçû ji wan re civîn çêdikir.
Şawîş di dawiya axaftina xwe de wiha got: “ Serokatî digot min weke hevalê xwe bibîne ne weke Serokê xwe bila singa te bilind be û bila serê te bilind be tu kî bibîne wî weke hevalê xwe bihesibîne tiştekî ji xwe mezintir nebîne, tu mezinî ji ber ku jin serkêşiyê dike. Pişt re dîsa me xwe amadekir ku em vegerin gund lê ama Serokatî got pêwîste win Raporê karê xwe binivîsin me çi karkiriye, çend dost çêkirine, me çend mal vekirine, em çawa di axivin di nava gel de, em çi dibêjin yek bi yek ev pirs ji me dikir piştî wê got karê ku hun bikin hunê hemû bikine rapor, me jê re got Serokê min em nizanin binivîsin Serokatî bersiv da û got temam ez ê dneg qeyidkirinê bidime we û hunê her êvar we çi karkiriye hunê dengê xwe qeyidbikin û dema ku hun hatin gel min her yek ji we wê kasêta xwe bi xwe re bîne.
Piştî wê dîsa em çûn gel Serokatî û em bihevre çûn Tedmir, Serokatî yekem pir ji Civakê hezdikir duyemîn ji Zarokan hezdikir digot ji ber ku Zarok jiyanê xweşdikin, kevokê Serokatî jî her tim beriya Serokatî were ew kevok diçûn ber derî heta wan kevokan bi Serokatî hîsdikir dema ku wê hatiba, Serokatî pir ji kevokên xwe hesdikir. Serokatî pir zehmetî bi me re didît heta ku em bûn xwedî îrade wî cesaret da me, îrade bi mere çêkir û baweriya me bi me da naskirin.
NC \ NUDA ELEFTİRYA – FERAŞÎN SÎDAR