Fermandarê QSD’ê Çiya Firat diyar kir ku çete di dorpêçê de ne û tenê di 600-700 metre çargoşe de ma ye.
NAVENA NÛÇEYAN- Fermandarê QSD’ê Çiya Firat di derbarê qonaxa dawîn a Pêngava Bagera Cizîrê ya bi navê Şerê Tinekirina Terorê de daxuyanî dide.
Daxuyanî li navenda Heqil Omer a Dêrazorê tê dayîn.
Çiya Firat diyar kir ku wan li Baxoza Jorîn çeteyên DAIŞ’ê kirine dorpêçê û wiha got: “DAIŞ tenê di 600-700 metre çargoşeyî de maye. Sedema giran pêş de çûnê ji ber ku çete sivîlan wek mertalên zindî bi kartînin. Em ji ber parastina sivîlan hêdî pêş de diçin.”
Li gor agahiyên nû hate gotin ku ewê şerê li dijî çeteyan bidomînin û agahiyên mizginiyê di demek nêz de ji hemû cihanê re ragîhinin.
