Girtiyên ji doza MLKP’ê yên li girtîgehên Tirkiyeyê bi armanca protestokirin û dawîlêanîna tecrîdkirina Rêberê Gelan Abdullah Ocalan, 1’ê Adarê dest bi greva birçîbûnê dikin.
Li ser navê girtiyên MLKP’ê daxuyaniyeke nivîskî hate belavkirin û di daxuyaniyê de hate gotin, “Em careke din berxwedana Leyla Guven a bi rûmet silav dikin. Berxwedana ku Leyla Guvenê bi çirûskekê da destpêkirin, weke pêtekê berbelav dibe. Daxwazên wê, ligel hemû astengî û zextên dewletê derdorên fireh xwedî lê derdikevin. Însiyatîfên Piştevaniya bi Leyla Guven re hatin avakirin.”
Girtiyên ji doza MLKP’ê di daxuyaniya xwe de xwedî li daxwazên dawîlêanîna li tecrîdê derketin û gotin, “Em girtiyên ji doza MLKP’ê xwedî li daxwaza mafdar û rewa ya Leyla Guven derdikevin ku dixwaze tecrîdkirin Rêberê Gelan Abdullah Ocalan dawî bibe.
Em girtiyên ji doza MLKP’ê yên li girtîgehên Tirkiyeyê ji bo piştgiriya bi Leyla Guvenê re di navbera 1-15’ê Adarê de 15 rojan dikevin çalakiya greva birçîbûnê. Leyla Guven mafdar e divê tecrîd rabe.”
