AMED – Li Amedê îro 7’emîn Festîvala Şanoyê ya Amedê dest pê dike. Heta 5’ê Gulanê dê festîval dewam bike. Lîstîkvanên Şanoya Bajêr a Amedê beriya festîval dest pê bike çûn ser gora hevalê xwe yê şanoger û derhêner Mehmet Emîn Yalçinkaya yê par jiyana xwe ji dest da ji bîr nekirin. Festîvala bi dirûşma “Heqîqet Azad Dike” dê bê liadarxistin, diyarî Yalçinkaya hat kirin.
Lîstikvan çûn Goristana Yenîkoyê û gora Yalçinkaya ziyaret kirin û qurnefîl danîn ser gorê. Malbata Yalçinkaya, nas, dost û hevalên wî beşdarî ziyareta gorê bûn. Di serdanê de şanoger Ozcan Ateş axivî û diyar kir ku ew ê hevalê xwe şanoger Yalçinkaya dê ji bîr nekin û got: “Em mizgîniyê didin te mamoste. Salonên me şanoyê vebûn. Em ê mihrîcanê li wir pêk bînin. Di nava aramiyê de razê.”
Vekirina festîvalê dê îro saet di 19.00’an de bi merasîmek û lîstika “Tenê Ez” li Şanoya Bajêr a Amedê pêk bê.
