“Li gorî agahiyên ji çavkaniyekê hatîn wergirtin, lîsteya kabîneya nû ya Hikumeta Herêma Kurdistana Federal ku piştî 283 rojan bi serokatiya Mesrur Barzanî hatî avakirin, bi temamî ji aliyê İstixbareta Tirk MIT û Îstixbareta Iranê SAVAK ve hatiye amade kirin. Kabîneya ku hat avakirin bi giştî ji 23 kesan pêk û tenê 3 kes ji wan jinin.
Li gorî agahiyên ji çavkaniyekê hatin wergirtin, lîsteya kabîneya nû ya Hikumeta Herêma Kurdistana Federal ku piştî 283 rojan bi serokatiya Mesrur Barzanî hatî avakirin bi temamî ji aliyê İstixbareta Tirk MİT û Îstixbareta Iranê SAVAK ve hatiye amade kirin.
Piştî hilbijartinên giştî yên Parlemena Herêma Kurdistana Federal demekî dirêj hikumet nehat avakirin. Di nava vê dema dur û dirêj de hejmarek zêde hevdîtin di navbera aliyên siyasî de hatin kirin û bê encam man. Çavkaniyek agahdar sedema demekî dirêj avanebuna hikumetê diyar kir û da zanîn ku, lîsteya kabîneya nû ya Hikumeta Herêma Kurdistana Federal ku piştî 283 rojan bi serokatiya Mesrur Barzanî hatî avakirin, bi temamî ji aliyê İstixbareta Tirk MİT û Îstixbareta Iranê SAVAK ve hatiye amade kirin.
Kabîneya Malbata Barzanî
Hat diyar kirin ku, Mesut Barzanî ji bo kurê xwe Mesrur Barzanî bike Serokê Hikumetê û biraziyê xwe Nêçirvan Barzanî bike Serokê Herêma Kurdistanê û kabîneyekî li gora xwe ava bike bi Îranê re ketiye nava bazaran. Hat zanîn ku Barzanî, ji Nûnerê Îranê li herêma Kurdistanê re gotiye ku, ewê bi rêya Konsolusxaneya Amerîka ya Hewlêr, daxwaza gotubêjan di navbera Îran û Amerîka de bike. Li beramber, wê Îran ji bo razîkirina Yekitiya Niştimaniya Kurdistan (YNK)’ê bibe alîkar.
Heman çavkanî diyar dike ku, Nûnerê Îranê daxwaza Mesut Barzanî ji bo Elî Xamineyî ragihand û Elî Xamineyî ev rêbaza Barzanî qebul kir û ji Barzanî re ragihand ku tenê lîsteyê amade bike, ewê bi YNK’ê bidin erê kirin.
Çavkaniyê da zanîn ku, piştî vê daxwaza Barzanî, Elî Xamineyî nûnerê xwe yê taybet şandiye Hewlêr û bi nûnerên Amerîka li Herêma Kurdistanê, ketine nava danûstandin û bazaran. Çavkaniyê diyar kir ku li gorî şert û mercên van danûstandinan; eger ev gotubejane li gorî berjewendiyên aliyan serkeftî derbaz bibin wê bi raya giştî re werin parve kirin. Lê eger bi serkeftî derbaz nebin bi raya giştî re nayên parve kirin.
Mesut Barzanî Lîsteyek Amade Kiriye
Barzanî listeyek ji ew kesên ku di remana xwe de li dijî Tevgera Azadiya Kurdistanê ne û tu helwesta wan li dijî hikumeta Tirkiyê nine amade kir. Barzanî, ev liste ji bo erêkirinê destpêkê pêşkêşî odeya operasyonê ya îstixbareta Tirkiyê ku li Hewlêr hatiye avakirin û Serokê Herêma Kurdistanê Nêçirvan Barzanî endamê wê ye, kir.
Çavkaniyê diyar kir ku, liste bi temamî li ber destê lijneya hevbeş ya PDK’ê û îstixbareta Tirkiyê û bi dilê Serokwezirê Tirk Teyîb Erdogan hat amade kirin. Şert û mercên Tirkiyê ew bu ku di listeyê de yek kesê ku li dijî Tirkiyê be û alîgirê berpirsê îstixbareta YNK’ê Lahur Şêx Cengî be divê di listeyê de neyê bi cih kirin. Navên di listeyê de yek bi yek hatin niqaş kirin û bijartin. Liste pêşkêşî YNK’ê hat kirin û YNK’ê bê nîqaşên dur û dirêj qebul kir.
6 Wezaret Ji Bo YNK’ê, 4 Wezaret Ji Bo Goran
Kabîneya ku dibin Serokatiya Mesrur Barzanî de hatî avakirin bi giştî ji 23 kesan pêk tê û ji vana tenê 3 kes Jin’nin. Kabîneya ku berê hatî parve kirin PDK’ê, Serokatiya hikumetê û 8 wezaretên din wergirt. Di kabîneyê de wezaretên din wiha hatin parvekirin;
YNK’ê di kabîneyê de 6 Wezaretên bi dest xistine wihane; Cigirê Serokatiya Hikumetê, Wezareta Pêşmerge, Wezareta Çandinî û Çavkaniyên Avê, Wezareta Plansaziyê, Wezareta Xwendina Bilind, Wezareta Çand û Ciwanan û Wezîrê Herêmê.
Di kabîneyê de 4 wezaretên ji bo Tevgera Goran hatîn veqetandin wihane; Wezareta Darayî û Aborî, Wezareta Avakirinê, Wezareta Bazirganî û Sanayîyê, Wezareta Karûbarên Civakî û Kar.
Di kabîneya nû de cihê Wezareta Petrol û Çavkaniyên Xwezeyî ku beriya niha Aştî Hawramî wezîrê wê bu vala hat hiştin.
Di kabîneya nû de, Parlementerê Eniya Tirkmenên Iraqê Aydın Maruf bu Wezîrê Herêmê û ji Xiristiyanan jî Ano Cevher bu wezîrê Danûstandin û Gihandinê. Her wiha ji Lîsteya Azadî û Modernê Abdullah Mahmud bu Wezîrê Şehîd û Enfalkiriyan.”
ÇAVKANÎ: Navenda Lêkolînên Stratejîk a Kurdistanê