AMED – Di çarçoveya berdewamkirina operasyonên qeyûma dagirkeriyê de Hevserokê DBP’ê yê Amedê Garîp Kandemîr, Hevserokê berê yê HDP’ê yê Amedê Şerîf Camci û Endamê Meclisa Şaredariya Peyasê Îsmaîl Bardakçi ji aliyê polisên dagirker ve hatin binçavkirin.
Operasyonên ku bi awayekî hemwaxt bi tayînkirina qeyûman a ser şaredariyên Partiya Demokratîk a Gelan (HDP) li 29 bajaran dest pê kirin, didomin. Di çarçoveya operasyonan de Hevserokê Partiya Herêmên Demokratîk (DBP) ê Amedê Garîp Kandemîr, Hevserokê berê yê Partiya Demokratîk a Gelan (HDP) ê Amedê Şerîf Camci û Endamê Meclisa Şaredariya Peyasê Îsmaîl Bardakçi ji aliyê polisên dagirker ve hatin binçavkirin.
Her sê siyasetmedarên ku hatin binçavkirin, birin Şaxa TEM’ê ya Miduriyeta Polisan a Amedê.
