RIMÊLAN – Tevgera Çand û Hunerê ya kantona Qamişlo ji bo piştgiriya şêniyên Serêkaniyê û Girê Spî yên ku ji ber êrişên Tirkiyê li ser herêmên Bakur û Rojhilatê Sûriyê îro şahiyek li Navenda Aram Tigran a Çand û Hunerê li bajarokê Rimêlanê orgenîze kir.
Her du hunermendên gelêrî Baran Dilbihar û Sumeye Mihemed tevî koma Cudî ya stranan tev li şahiyê bûn.
Beriya destpêkirina şahiyê Navenda Şopdarên Rojê 33 wêneyên fotogirafî girêdayî berxwedana şervanên Hêzên Sûriya Demokratîk li eniyên li dijî çeteyên DAIŞ û wêneyên berxwedanên Serdem û Rûmetê pêşendan.
Şahî bi deqeyek rêzgirtin destpê kir, piştre hunermendan û komên hunerî berhemên xwe yên hunerî pêşkêş kirin.
Şahî bi gerandina beşdaran xelekên govendê bi dawî bû.