BEHDÎNAN – Navenda Ragihandin û Çapemeniyê ya HPG’ê li ser mijarê ev agahî da:
“Hêzên me di çarçoveya Pêngava Şoreşgerî ya Şehîd Bager û Şehîd Ronya de li herêma Xakurkê ya Herêmên Parastinê yên Medyayê li dijî artêşa TC a dagirker çalakî kirin. Di vê çarçoveyê de;
26’ê Adarê saet di 12:00 de hêzên me li dijî dagirkerên li ser Girê Şehîd Axîn çalakiyek pêk anîn. Derbên giran li kozik û stargehên dijmin ên li ser gir hatin reşandin, lê hejmara leşkerên mirî û birîndar nehate tespîtkirin. Balafirên şer ên artêşa TC a dagirker piştî çalakiyê bombe li qadê barandin.
27’ê Adarê (îro) saet di 07:00 de hêzên me cara duyemîn li dagirkerên li ser Girê Şehîd Axîn xistin. Hejmara leşkerên di vê çalakiyê de mirin û birîndar bûn nehate tespîtkirin.
Yekîneyên me yên çalakî kirin bi serketî li baregehên xwe vegeriyan.
Balafirên şer ên artêşa TC a dagirker 26’ê Adarê saet di 15:00 de qada Şehîd Kendal a Herêma Heftanînê ya Herêmên Parastinê yên Medyayê, saet di 18:00 de jî qada Dola Şîvê ya herêma Zapê bombe kirin.
Ji ber bombardûmanê tiştek bi hêzên me nehatin.”
