NAVENDA NÛÇEYAN- Ji ber 71. rojbûna Rêberê Gelan Abdullah Ocalan, rêxistinên ciwanên Kurd ên Ewropayê Tevgera Ciwanên Şoreşger û Jinên Ciwan ên Azad daxuyaniyek weşandin.
Di daxuyaniya TCŞ û JCAê de, di şexsî Ocalan de rojbûna gelê Kurd hat pîrozkirin û hat gotin ku, divê hemû ciwan sala 2020 weke sala azadiya Rêberê Gelan Abdullah Ocalan bibîne û bigre dest.
Daxuyaniya TCŞ û JCAê wiha ye;
Bi Rêber APO re dema azadiyê hat!
Roja ku ji Amarayê hilat…Hilhatina vê rojê heman demê jidayîkbûna ji xweliyê ya gelê Kurd e jî. Cihê ku Rêber APO ji dayîk bûye, Riha, axa ku di seranserê dîrokê de gelek berxwedan qewimî ye. Vê axa pîrozê ku çemû Dîjle û Ferat lê derbas dibin, em dikarin weke destpêka dîroka mirovahiyê bipêjirînin. Van axan, qêrîna gelên ku li hemberî zilm û zordariyê gelek berxwedan pêkanînê ne. Çawa ku Hz. îbrahîm li ser van axan bi lehengî şer kiribe û ji bo miravahî û Rojhilata Navîn jî xala werçerxê be, Rêber APO jî çavên xwe li Amarayê vekir û di jiyana me de xwediyê cihekî girîng e. Jidayîkbûna xwe vir ve her û her li hemberî zilm û zordariyê derket. Ev berxwedan, ji aliyê gelê Kurd ve xala werçerxeyek dîrokî bû û têkoşîna gelekî ku xwe ji xweliyên xwe afirand derket holê. Rêber APO, di têkoşîna gelê Kurd de xwediyê cihekî girîng bûye. Nasnameyek ku dixwestin ji dîrokê jê bibin, êdî çi bibe bila bibe bi têkoşîna ku Rêber APO daye destpêkirin ve wê bidome. Weke Rêber APO jî gotî; “ Her ku çiqas bixwazin gelê me û têkoşîna me ji dîrokê jê bibin jî, nikarin ser bikevin”. Her çiqas hêzên navnetewî yên qomploger xwestibin bi dîlgirtina Rêber APO ve rasteqîniya gelê Kurd û Rêbertî jê bibin jî ser neketin û wê ser nakevin jî.
Niha em çavên xwe bigirin û ji bo kêlîyekî em xwe li giraveke bêkes, di nav odeyekî de te tik û tenê hîs bikin. Derdora te bi avê hatîye pêçandin û di wê nemê de divê tu bêhn bistînî.. Di van şert û mercên xerab de Rêber APO hê jî bo me bêhn distîne û bi fikrên xwe rêya me her tim ronî dike. Em jî wek ciwan û jinên ciwan divê vê yekê bizanibin û di hemû qadan de mîrasa ku Rêber APO ji me re hiştîye belav bikin. Ji ber ku paradîgmaya Rêber APO hem ji bo cîhanê hem jî ji bo gelê Kurd gelek girîng e. We mînak di van rojan de pandemîya Kovîd-19 bandorî hemû cîhanê kirîye. Ev bandor encama êrîşa modernîteya kapîtalîst e. Pergala niha di ber vê qeyrana ku bi xwe avakir de hildiweşe û dixwaze cardin di vê qeyranê de hebûna xwe pêk biîne. Em dikarin bêjin modernîteya kapîtalîst xwe cardin bi rêxistin dike.Êncamên van tiştan faşîzm e. Ji xwe hemû dewlet vê yekê dibînin. Her çi qas rojên qeyranê li bandorî hemû gelê me kiribe jî di bin banê hevgirtina civakî û modernîtaya demokratîk de ji bo ku em li gel hev bin derfetek e. Ciwan pêşengê ve yekê ne. Divê em li hemberî êrîşên kapîtalîst, neteweya xwe ya demokratîk,etîk û sîyasî ava bikin û modernîtaya demokratîk a ku paradîgmaya Rêber APO ye em li her derî belav bikin. Em li Rojavayê baştirîn minaka vê paradîgmayê dibînin. Li Rojavayê şoreşa demokratîk, ekolojîk û azadîya jinan berdewam dike û modernîteya demokratîk herî xweş li wê derê tê jîyankirin. Em dizanin ku di nav vê şerê de paradîgmaya Rêber APO ya ku jîyaneke nû ava dike, ji hêla hêzên komplowarî ve tê astengkirin. Ji ber ku tirsa wan a bingehîn ev e ku eleqaya li ser vê xeta jîyanê her çi qas diçe mezin dibe. Rêber APO ne tenê rêberê gelê Kurd e, ew êdî rebêrekî ji alîyê gelên din jî hatîye nasîn û pejirandin e. Hêzên navneteweyî yên komplowarî û dewleta tirk a faşîst her roj zehftir qels dibe û li ber têkçûnê ye. Divê di serî de em ciwanên Kurd, gelê Kurd û hemû Kurdîhez vê salê wek sala rêya azadîyê bipejirînin û em bêjin azadîya Rêber Apo, azadîya hemû gelan e.
Sala 2020, sala azadîya Rêber APO ye. Ji ber ku êdî dema azadîyê hatîye. Canfedaya şehîd Sema Koçer a ku rojên dawî de pêk anî nîşanî me dide ku êdî ew dem hatîye. Ji ber ku ew ji bo Rêber APO ji dil fehm bike bû Zîlan. Em wek ciwan û jinên ciwan ji bîr nekin ku bi paradîgmaya Rêber APO ciwan azad dibin.
Em wek Tevgera Ciwanên Şoreşger û Jinên Ciwan ên Azad rojbûna Rêber APO û hemû gelê Kurd pîroz dikin.
Bijî Serok APO!
Bê Serok Jiyan Nabe!