NAVENDA NUÇEYAN – Însiyatîfa Ciwanên Başurê Kurdistanê di derbarê meşa xwe ya dirêj de daxuyaniyekî nivîskî weşand. Di daxuyanî yê de hat diyar kirin ku, bi provakasyona Zînî Wertê axa Başurê Kurdistanê bûye armanca dewleta Tirk a dagirker ji ber vê yekê ji bo dagirkerî were şikandin wê çalakiya meşa dirêj were kirin.
Daxuyaniya Însiyatîfa Ciwanên Başurê Kurdistanê wiha ye:
“Di dîroka 13’ê Nîsanê de hêzên peşmergeyan ser bi PDK’ê re bi hinceta Corona Virus li Zînî Wertê ya ku dikeve navbera rêze çiyayên Qendîl û Karox de dimîne hêz dişîne û baregeh ava dike. Pişt re li gor daxuyaniyên şêniyên Zînî Wertê tê fêmkirin ku hêzên peşmergeyên ser bi PDK’ê re bi plana dewleta Tirk a dagirker Başurê Kurdistanê, Mûsil-Kerkuk jî tê de dagir bike li Zînî Wertê ketiye nava liv û tevgerê. Dîsa li gor agahiyên şêniyên Zînî Wertê bi raya giştî re parvekiriye, di nava peşmergeyên li heremê de MİT’ên Tirkan jî hene û cil û bergên peşmergeyan li ser wan e. Ev jî diyar dike ku çûyîna PDK’ê di çarçoveyê planên dagirkirina Başurê Kurdistanê ye.
Dewleta Tirk a dagirker, li ser gelê Kurd di komkujiyê de derbas bike û Kurdistanê bi dagirkirinê tune bike hatiye avakirin. Îro dewleta Tirk a dagirker li Başurê Kurdistanê di çarçoveya polîtîkayên xwe yên jenosîd û tunekirinê de bi hevkariya PDK’ê êrîşên xwe didomîne. Dewleta Tirk a dagirker, Rêberekî ku gelê Kurd wek Rêber dibîne Rêber APO bi salane li ser tecrîdekî dijî mirovatî dimeşîne. Şervanên ku ji bo Kurdistanê tekoşîn kiriye û şehîd ketiye tehammulê goristanên wan jî nikare bike, êrîş li ser goran jî dike. Tu nirxê gelê Kurd nemaye ku êrîş nekiriye. Efrîn, Serêkaniyê û Girê Spî dagirkiriye û her roj êrîşên Rojava dike. Di jêrzemînên Cizîrê de ciwanên berxwedêr yê gelê Kurd bi saxî şewitand, li Silopya dayika Taybet qetil kir û nehişt 7 roj cenaze were rakirin. Dewleta Tirk xwedî hişmendiyekî wiha ye. Îro jî dewleta Tirk a dagirker Başurê Kurdistanê kiriye armanc, van hovîtiyên xwe bi provakasyona Zînî Wertê plana xwe ya dagirkirina Başurê Kurdistanê dixwaze pêkbîne. Dewletekî ewqas faşîst re ji bo menfeaat û berjewendiyên malbatî jî divê tu hêz di nava hevkariyê de nebe. Ev li Yekîtiya Neteweyî û doza azadiya Kurdistanê darbe dixe.
Bi provakasyona Zînî Wertê re planê dewleta Tirk a dagirker ji alî her kesî ve pir vekirî hatiye dîtin. Di serî de ev di şêniyên Zînî Wertê û gelê Başurê Kurdistanê nerazîbûnek pir mezin daye avakirin. Rehendên provakasyonê û planên dewleta Tirk a dagirker deşîfre bûye, li ser vî jî gel, rewşenbîr, hunermend, nivîskar, rojnamevan, siyasetmedar, dayikên laçik spî, jin, peşmergeyên dêrîn, mamosteyên ayînî û hwd. Bangawazî li PDK’ê kiriye ku hêzên xwe ji Zînî Wertê bikişîne. Li PDK’ê hîn jî guh nedaye van bangawaziyan. Em wek Însiyatîfa Ciwanên Başurê Kurdistanê, carekî din li rol û mîsyona ku dîrokê ketiye ser milê em xwedî derdikevin. Gerîlla, Peşmerge û Şervanên ku ji bo Yekîtiya Neteweyî û azadiya Kurdistanê şehîd ketine bi ruhên wan em ê ber bi Zînî Wertê ve meşekî dirêj bidin destpêkirin.
Em wek Însiyatîfa Ciwanên Başurê Kurdistanê, planên dagirkirina Başurê Kurdistanê ya dewleta Tirk a dagirker em ê nehilên ku tu car bigihije armanca xwe. Li ser vî bingehî, di 16’ê Gulanê de bi şîara ‘’Em ji bo Yekîtiya Neteweyî dimeşin’’ meşa xwe ya dirêj didin destpêkirin.
Li ser vî esasî bangawaziya me di serî de ji bo gelê Başurê Kurdistanê, rewşenbîr, nivîskar, hunermend, siyasetmedar, rojnamevan, jin, ciwan, peşmergeyên dêrîn, nûnerên baweriyan re ji hemû gelê Kurd û Kurdistanê re divê meşa dirêj de cîhê xwe bigirin.’’
Meş di 16’ê mehê de li Ranya li ber Zanîngeha Ranya seat 10.00 an de destpê dike.