ZURÎCH –
Li bajarê Zurîch ê Swîsreyê, aktîvîstên Tevgera Ciwanên Şoreşger (TCŞ) tecrîda li ser Rêberê Gelê Kurd Abdullah Ocalan bi çalakiyekê şermezar kirin û xwestin, tavilê hevdîtin bi Rêberê Gelê Kurd re bê kirin.
Çalakiya ku bi çarçoveya pêngava “Li dijî tecrîd, faşîzm û dagirkeriyê, bi hev re serhildan” hate lidarxistin, saet 18:00 de li stasyona trenê ya navendî dest pê kir.
Bi zimanên Kurdî û Elmanî dirûşmên” Bijî Serok Apo”, “Freîheît Fur Ocalan”, “Frîeden in Kurdistan”, “Freîheît fur alle polîtîsche Gefegne” hatin qîrîn û faşîzma dewleta Tirk hate şermezarkirin.
STÛTTGART –
Li bajarê Stûttgartê yê Elmanyayê jî bi heman armancê meşeke bi meşaleyan hate lidarxistin û tecrîd hate şermezarkirin.
Ciwanên aktîvîstên TCŞ û TÊKO-JIN li Schlossplatzê meşiyan.
Ciwanan posterên Rêberê Gelê Kurd Abdullah Ocalan hildan û bi qîrîna dirûşman dewleta Tirk şermezar kirin.
Ciwanan xwestin Rêberê Gelê Kurd Abdullah Ocalan azad bibe û bi meşaleyan meşiyan.