ZURİCH – Li bajarê Zurich ê Swîsreyê, aktîvîstên Tevgera Ciwanên Şoreşger (TCŞ) li dijî tecrîda li ser Rêberê Gelê Kurd Abdullah Ocalan belavok belav kirin.
Ciwan danê êvarê li hev kom bûn û bi dirûşma “Ciwan canfedayê Rêber Apo ne” li nava trenên li navenda bajêr têkildarî rewşa tenduristiyê ya Rêberê Gelê Kurd Abdullah Ocalan û tecrîdê belavokên bi zimanê Elmanî belav kirin.
Ciwanan di dema çalakiyê de wêneyên Abdullah Ocalan hildan û di mijara azadiya fîzîkî ya Rêberê Gelê Kurd de agahî bi raya giştî re parve kirin. Çalakiyê bi qasî saetekê dewam kir û bi banga çalakiyan a ji bo azadiya Abdullah Ocalan bi dawî bû.
