TUBINGEN –
Aktîvîstên Tevgera Ciwanên Şoreşger (TCŞ), Jin ên Ciwan ên Têkoşer (TÊKO-JIN) û ciwanên enternasyonalîst, li bajarê Tubingenê bi dirûşma ‘Bes e ji tecrîd, faşîzm û dagirkeriyê re, bi hev re serhildan’ çalakiyek li dar xistin û êrişên dagirkeriyê yên dewleta Tirk û tecrîda li ser Rêberê Gelê Kurd Abdullah Ocalan şermezar kirin.
Ciwanan di meşê de pankarta bi nivîsa “Heta ku bi Serokê xwe re di nava şert û mercên azad de bigihêjin hev, ev meşa serketinê wê dewam bike” û alên YPG û YPJ’ê hildan. Bi Elmanî û Kurdî dirûşmên “Bijî Serok Apo”,” Hoch die internationale Solidaritaet”, “Solidaritaet heisst Widerstand, Kampf dem Faschismus in jedem Land” û “Alle Besatzer raus aus Kurdistan” hatin qîrîn.
Ciwanan diyar kirin ku ew êrişên dagirkeriyê yên dewleta Tirk ên li ser Avaşîn, Zap û Metînayê, tecrîda li ser Rêberê Gelê Kurd Abdullah Ocalan qebûl nakin û destnîşan kirin ku wê têkoşîna yekbûyî û berxwedana li dijî faşîzmê mezin bikin.
