KOBANÊ- Dewleta tirk bi balefirên bê mirov di 16`ê Tebaxê de navenda Şengalê bombebaran kir û di encamê de 2 kesan jiyana xwe ji dest dan û sê kes jî birîndar bûn. Her wiha di 17`ê tebaxê de bi heman rengî nexweşxaneya Şengalê bombebaran kir ku di encamê de birîndar û şehîd çêbûn. Yekîtiya Jinên Ciwan û Tevgera Ciwanên Şoreşger ya herêma Firatê li dijî bombebarana dewleta tirk ya li ser Şengalê daxuyaniyeke devkî li navenda xwe dan çapemeniyê. Daxuyanî ji aliyê endamê rêveberiya Tevgera Ciwanên Şoreşger Mihemed Mehmûd ve hat dayîn.
Me jî wek Ajansa Nuçe Ciwan nêrînên Ciwanên Kobanê girt. Ciwanê bi navê wî Dicle Hesene wiha got:
“Navê min Dijle Hesen e, ez weke ciwaneke Kobanê, êrîşên dagirkeriya Tirk şermezar dikim. Careke din êrîşê axa Kurdistanê, her wiha êrîşek li ser Şengalê pêk anî di encamê de 2 hevalên me gihiştine asta Şehadetê û hin sivîl birîndr bûn. Piştî ku ev birîndaran rakirin nexweşxanê carek din êrîşek hewayî li ser nexweşxane pêk anî, di encamê de ew birÎndaran şehÎd ketin. Her wiha nehiştin ku sivîl biçin cihê lêdanê û birîndaran xilas bikin. Di eynî demê de li Dirbêsiyê û Şehbayê jî xist. Divê em wek ciwanên Kur di hemberî van êrîşan bisekinin û heta dawî axa xwe biparêzin. Êdî bes e dem dema azadiyê ye divê em bêdeng neminin. Dewleta Tirk ewqas êrîşan li ser Şengalê kir êdî bes e. Gelê me tê kuştin tê şewitandin tê talan kirin êdî bes e divê em li axa xwe û nirxên xwe derkevin”
Mustafa Jî wiha got:
Ez Mustefa me. ev şerê ku li ser serê me tê meşandin şerê taybet yê dewleta Tirk e. Em şermezar dikin. dewleta Tirk şerê me dike li kuderê çi Şengal be çi dereke din be li ku derê Kurd hebe dewleta Tirk şerê wê derê dike.
Dewleta tirk bi alîkariya Barzanî ev tişt dike, mala Barzanî xwe firoştiye û destek dide dewlet. Banga min li hemû ciwanên Kurd heye ku em bê deng nemînın û rabin ser piyan. Her ciwanek li kur be dikare her tiştê bike tenê divê bixwaze bike. Ev roj roja me ye. Me dikuje zarokan dikuje hemû rêbazên hovane li ser me dimeşîne, her tişt li serê me dike. Îro dem dema azadiyê dem dema şerefê ye îro dema ku tu xwe bi naskirin bidî. Ji hemû ciwanan re dibejim îro rê riya me ye.
