BEHDİNAN – Daxuyaniya Navenda Ragihandin û Çapemeniyê ya HPG’ê wiha ye:
“Di çarçoveya Pêngava Şoreşgerî ya Bazên Zagrosê de;
18’ê Tebaxê li herêma Avaşînê dagirkeran bi çekên giran bombe li tunelên şer ên li qada Girê Sor barandin. Piştî vê bombardûmanê xwestin xwe nêzî tunelên şer bikin. Hêzên me ji nêz ve li dagirkeran xistin. Piştî vê destwerdanê, dagirker neçar man xwe ji herêmê vekişînin.
17’ê Tebaxê saet di navbera 13:00-14:00 de li herêma Zapê, qada Girê Cûdî ji qereqolên li ser sînor bi obusan hate bombekirin. Ji ber vê bombardûmanê agir bi qadê ket û şewat hîn jî dewam dike.
18’ê Tebaxê li herêma Avaşînê, li dijî tunelên şer ên li qada Girê Sor gazên kîmyewî hatin bikaranîn. Saet di 19:00 de bi teqemeniyan bombe li tunelên şer hatin barandin. Heman rojê li dijî tunelên şer ên li qada Werxelê gazên kîmyewî hatin bikaranîn. Liv û tevgera droneyan a li ser herêmê jî dewam dike.
18’ê Tebaxê saet di navbera 20:45-23:20’î de li herêma Avaşînê helîkopter li ser qadên Mervanos, Tabûra Ereban, Girê Sor, Girê Spî û Girê Silêman geriyan. Heman saetê bi helîkopterên êrişê bombe li qada Werxelê hate barandin.
18’ê Tebaxê saet di 12:00 de li herêma Zapê qadên Karker û Şikefta Birîndaran, 19’ê Tebaxê saet di navbera 05:00-06:00 de qada Çemço ji qereqolên li ser sînor bi obusan hatin bombekirin. Heman rojê saet di navbera 21:00-22:00 de qada Tîpa T bi helîkopterên êrişê hate bombekirin. Jİ ber bombardûmanê agir bi herêmê ket ku şewat hîn jî dewam dike.
18’ê Tebaxê saet di navbera 20:30-22:30’î de li herêma Metînayê helîkopter li ser xeta Qaşûrayê geriyan. Heman demê li nehiya Kanî Masî ya navçeya Amediyê derdora gundên Êdinê, Dêşîşê, Seraru û qadên Kela Qumriyê û Koordîne bi helîkopterên êrişê hatin bombekirin.”
