MEXMÛR – Li wargeha Mexmûrê Komkujiya Hewlerê bi tundî hate şermezar kirin. Li ser navê kesên di komkujiyê de hatin windakirin û qetilkirin Leyla Îlhan axivî û got; “PDK’ê ji ber berjewendiyên kesî ji bo tinekirina hemû partiyên Kurdistanî li gel dagirkeran cihê xwe girtiye. Emê bi bilindkirina têkoşîna xwe îxanetê têkbibin, azadiya gelê Kurd û Kurdistanê mîsoger bikin.”
Li Wargeha Penaberan a Şehîd Rustem Cûdî (Mexmûr) Komkujiya Hewlêrê bi daxuyaniyekê hat şermezar kirin.
Daxuyanî li Saziya Malbatên Şehîdan a Mexmûrê bi deqeyek rêzgirtin ji bo giyanê Tevahî Şehîdên Azadiya Kurdistanê destpê kir. Piştî rêzgirtinê li ser navê malbatên Şehîdên Komkujiya Hewlerê, Leyla Arzu Îlhan axivî.
Leyla Arzu Îlahan di serî de hemû şehîdên Azadiya Kurdistanê û şehîdên komkujiya Hewlerê bi bîranî û wiha got: “Îxanata PDK’ê ya li dijî Tevgera Azadiyê dayî destpê kirin, ne ya destpêkê bû. Ji dîrokê heta niha PDK’ê ji ber berjewendiyên kesî ji bo tinekirina hemû partiyên Kurdistanî li gel dagirkeran cihê xwe girtiye. Bi Rejîma Baas re hevkarî ji bîrkirina Helepçe ye. Tişta ku me di êşîne ewe ku heta niha ji ew kiryarên qirêj yên îxaneta PDK’ê berdewam dike. Ji bo wê yekê li ser navê malbatên ku di komkujiya Hewlerê de windahiyên xwe dayî, bang li tevahî gelê Kurd dikin ku pêwîste em dawî li îxaneta PDK’ê bînin û yekîtiya xwe pêkbînin. Çawan di dîrokê de jî îxanet bi ser neketiye, wê niha ji bi ser nekeve. Emê bi bilindkirina têkoşîna xwe, îxanetê têkbibin azadiya gelê Kurd û Kurdistanê mîsoger bikin.”
Daxuyanî bi dirûşmeyên ‘Şehîd Namirin’, ‘Bimire Îxanet’ û ‘Bijî Serok Apo’ bi dawî bû.
