BEHDÎNAN – Navenda Ragihandin û Çapemeniyê ya HPG’ê derbarê şer ev agahî belav kir:
“Çalakiyên hêzên me bênavber didome. Di çalakiyên tîmên me yên gerok de yek jê kontra 10 dagirker hatine cezakirin, çeperek hate îmhakirin û derb li wesayîtekê hate xistin. Tunelên şer ji aliyê dagirkeran ve 10 caran bi teqemeniyan, 6 caran bi çekên kîmyewî hate bombekirin. Qadên gerîlayan jî bi dehan caran bi obusan, 4 caran bi balefiran û 7 caran jî bi helîkopteran hate bombekirin.
Agahiyên derbarê çalakî û êrîşan wisa ye:
Di çarçoveya Pêngava Şehîd Diljîn- Şehîd Şervan Êrkendî ya Egîdên Botanê de
Dewleta Tirk a dagirker li gundê Awalê ya di navbera Gabar û Çiravê de qalekol û qûlekol ava kiriye. Dewleta Tirk dixwaze li vê derê ji bo dagirkeriyê rê çêbike. Di 20’ê Cotmeha 2021’’an de jî hate xwestin komek kontra li gundê Basret ê Gabarê were sekinandin. Kontrayan gule li hêzên me reşandin. Hêzên me jî li kontrayan dan. Li vir kontrayek hate cezakirin û derb li wesayîtekê hate xistin.
Dewleta Tirk bi metodên cihê ji bo çavdêriya bendên gerîlayan ên li Gabarê kontrayan dişîne. Em bang li gelê herêmê dikin ku bila di vî warî de bihîstyar bin û heke kontra ber bi bendên leşkerî werin wê li wan were xistin.
Di çarçoveya Pêngava Şoreşger a Bazên Zagrosê de li herêma Avaşînê;
Di 21’ê Hezîranê de saet di 12.00’an de dagirker dema li Qada Berxwedanê ya Werxelê ketin tevgerê, tîmên me yên gerok ew xistine bin kontrolê. Saet di 17.00’an de hêzên me bi çekên giran li dagirkeran dane û hate tespîtkirin dagirkerek hatiye cezakirin.
Di 21’ê Hezîranê saet di 22.50’an de jî dagirkeran xwestine bi çekên kîmyewî li tunelên şer ên Qada Berxwedanê ya Werxelê bidin. Hêzên me jî bi sabotajê li dagirkeran dan. Li vir dagirkerek hate cezakirin û 2 dagirker jî birîndar bûn.
Di Çarçoveya Pêngava Şoreşger a Şehîd Savaş Maraş a Cenga Xabûrê de;
Di 21’ê Hezîranê de saet di 11.40’an de li Girê Şehîd Çekdar sûîkastvanekî dijmin ji aliyê tîma me ya sûîkastê ya gerok hate tespîtkirin û sûîkastvanê dijmin hate cezakirin.
Di 21’ê Hezîranê de saet di 19.10’an de li Girê Şehîd Çekdar dema ku dagirker ketin tevgerê, tîmên me yên gerok li dagirkeran dan.
Di 21’ê Hezîranê de saet di 20.30’an de hêzên li Girê Şehîd Akîf a li Qada Berxwedanê ya Girê Hekarî xwe bera nav dijmin dan. Hêzên me bi çekên şexsî û otomatîk ên navîn li dagirkeran dan. Di vê çalakiyê de 6 dagirker hatin cezakirin û çeperek jî hate îmhakirin.
Di 21’ê Hezîranê de saet di 21.30’an de dema ku helîkopterê xwest leşkeran deyne Girê Şehîd Leşker, hêzên me bi çekên giran li helîkopterê dan. Piştî mudaxeleya hêzên me yên gerok helîkopterê nekarî leşkeran deyne qadê û neçar ma ji qadê derkeve.
Êrîşên artêşa dewleta Tirk a dagirker ên bi çek û teqemeniyên kîmyewî kirin;
21’ê Hezîranê saet di 12.50’yî de tunêlên şer ên li Qada Berxwedanê ya Karkir carek bi teqemeniyan hat bombekirin.
21’ê Hezîranê saet di 15.30’an de, tunêlên şer ên li Girê Şehîd Çekdar 4 caran bi teqemeniyan û carek jî bi çeka kîmyewî hatin bombekirin.
21’ê Hezîranê saet di 21,40’î de tunêlên şer ên li Qada Berxwedanê ya Werxelê pênc caran bi teqemeniyan û 5 caran jî bi çekên kîmyewî hatin bombekirin.
Êrîşên artêşa Tirk a dagirker ên bi obus, helîkopterên êrîşê û balafirên şer kirin;
21’ê Hezîranê li ser Qadên Girê FM û Girê Cûdî yên Berxwedanê dron geriyan.
21’ê Hezîranê saet ji 18.00’an heta bi 19.00’an qada Girê Ortê ya girêdayê herêma Metînayê, ji baregeha Kanî Masî ya dewleta Tirk a dagirker bi obusan hatin bombekirin.
21 û 22’yê Hezîranê Qadên Berxwedanê yên Werxelê û Girê Hekarî ji qereqolên li ser sînor ên bi obusan hat bombekirin.
21’ê Hezîranê Qadên Girê Bihar û Kunîşkayê 4 caran bi balafirên şer hatin bombekirin.
21’ê Hezîranê Qadên Berxwedanê yên Girê Hekarî, Girê Cûdî û Girê FM 7 caran bi helîkopteran hatin bombekirin.’’
